بۇگىن بۇۇ شىعىس گۋتاعا بايلانىستى شۇعىل جيىن وتكىزبەك

اساد رەجيمىنىڭ شىعىس گۋتاعا جاساعان سوڭعى شابۋىلىندا حيميالىق قارۋ قولدانۋ تۋرالى باستامالارعا بايلانىستى فرانتسيا باستاعان 9 ەل بىرىككە ۇلتتار ۇيىمىنىڭ باس اسسامبلەياسىن شۇعىل جيىن وتكىزۋگە شاقىردى.

اساد رەجيىمىنىڭ شىعىس گۋتاعا شابۋىل جاساعانى تۋرالى حاباردى بۇدان بۇرىن دا جازعانبىز. فرانتسيانىڭ جەتەكشىلىك ەتۋىمەن وتكىزىلەتىن جيىنعا اقش، ۇلىبريتانيا، كۋۆەيت، شۆەتسيا، پولشا، پەرۋ، گوللانديا جانە كوت-د'يۆۋار ەلدەرى قولداۋ كورسەتتى.

فرانتسيا سىرتقى ىستەر ءمينيسترى جان-يۆ لە دريان وزدەرىنىڭ اتالعان وقيعاعا قاتىستى قاتتى الاڭدايتىندارىن ايتىپ، فرانتسيانىڭ حيميالىق قارۋمەن كۇرەسۋ ماسەلەسىندە بارلىق جاۋاپكەرشىلىكتى ءوز مويىندارىنا الاتىنىن مالىمدەدى. وسىعان بايلانىستى بۇگىن بۇۇ باس اسسامبلەياسىندا باسقوسۋ وتپەك.

“The Qazaq Times”