فوتو: news.tvbs.com.tw

اقش پرەزيدەنتى دونالد ترامپ «دەموكراتتار ماعان كوماندا جاساقتاۋعا كەدەرگى جاساپ وتىر» – دەپ مالىمدەدى.

دولاند ترامپ ءوزىنىڭ Twitter پاراقشاسىنا: «مەن ۇسىنعان كانديداتتاردىڭ 38 پايىزى دەموكراتتار تاراپىنان جاسالعان كەدەرگىگە بايلانىستى قىزمەتكە قابىلدانبادى. ءدال وسىلاي كەتە بەرسە مەنىڭ كوماندا جيناۋىما 7 جىل ۋاقىت وتەدى. بۇنداي جاعداي بۇرىن سوڭدى بولماعان» - دەگەن.

ەستەرىڭىزگە سالايىق، دونالد ترامپ 2017 جىلدىڭ قاڭتار ايىندا اقش پرەزيدەنتى بولىپ سايلانعان. ول سول ۋاقىتتان بەرى مەملەكەتتىك حاتشى رەكس تيللەرسوندى، فەدەرالدىق بارلاۋ باسقارماسىنىڭ ديرەكتورى  جەيمس كومي مەن ونىڭ ورىنباسارى ەندريۋ ماككەيبتى قىزمەتىنەن بوساتقان. كوپتەگەن ساراپشىلار اقش پرەزيدەنتىنىڭ بۇل ىسىنە «ترامپ اق ءۇي ماڭايىنا ءوز كومانداسىن جيناپ جاتىر» - دەگەن باعا بەرگەن.

“The Qazaq Times”