ماسكەۋ تارابى ديپلوماتتارى ءۇشىن ۇشاق جىبەردى. فوتو: BBC.

قۇراما شتاتتان شىعىپ كەتۋگە بۇيىرىلعان ورىس ديپلوماتتارىنىڭ العاشقى توبى رەسەيدىڭ ۋاشينگتونداعى (ۆاشينگتون/Washington) ەلشىلىگىنەن كەتتى. بۇل تۋرالى «شينلاڭ» اقپاراتتىق ABC ارناسىنا سىلتەمە بەرە وتىرىپ حابارلادى.

اقش ۇكىمەتىنىڭ شەشىمى بويىنشا تىزىمدەگى رەسەيلىك 60 ديپلوماتيا قىزمەتكەرى قۇراما شتاتتان كەتۋى كەرەك. ولارعا بەرىلگەن شەكتى مەرزىم بۇگىن اياقتالادى (اقش-تىڭ جەرگىلىكتى ۋاقىتىمەن 2 ساۋىرگە دەيىن).  اقش ۇكىمەتىنىڭ شەشىمى بويىنشا 2 ساۋىرگە دەيىن اتالعان رەسەيلىكتەر ۋاشينتونداعى ەلشىلىكتەن كەتۋى جانە بارلىق زاتتارىن شىعارىپ الۋى كەرەك.  رەسەي تارابى ديپلوماتتارىن ەلگە قايتارۋ ءۇشىن ارنايى ەكى ۇشاق جىبەرگەن. رەسەيلىك ديپلوماتتاردىڭ العاشقى توبى ءبىر كۇن بۇرىن اقش-تان شىعىپ كەتتى. قۇراما شتاتتاعى رەسەيدىڭ كونسۋلدىعى جابىلدى.

سەرگەي سكريپالعا جاسالعان حيميالىق شابۋىلدان كەيىن باتىس پەن رەسەي اراسى الا قويداي ءبۇلىنىپ، سوڭى ديپلوماتيالىق سوعىسقا ۇلاستى. ەۋروپا مەن امەريكانىڭ 22 ەلى 130-دان استام رەسەيلىك ديپلوماتتى ەلدەن قۋدى. ماسكەۋدە بۇنىڭ قارىمتا شابۋىلىن جاساپ، اقش ديپلوماتتارىن ەلىنەن شىعاردى.

وسىدان بۇرىن اقش-تىڭ مەملەكەتتىك دەپارتامەنتى مالىمدەمە جاريالاپ: «رەسەي ديپلوماتتاردى شىعارۋمەن ءوزىن اقتاپ الا المايدى»، – دەگەن بولاتىن.

“The Qazaq Times”