گرەكيانىڭ سىرتقى ىستەر ءمينيسترى نيكوس كوچياس، ماكەدونيامەن اراداعى "ەل اتاۋى ماسەلەسىنە" قاتىستى قوس تاراپتىڭ بىتىمگە كەلۋى ءۇشىن بىرقاتار قادامدار جاسالعانىن حابارلادى.
اۆستريا استاناسى ۆەنادا بۇۇ-نىڭ ەكى ەل اراسىنداعى "اتاۋ ماسەلەسىن" شەشۋگە جاۋاپتى وكىلى مەتيۋ نيميتس پەن ماكەدونيا سىرتقى ىستەر ءمينيسترى نيكولا ديميتروۆپەن ءبىر مامىلەگە كەلگەن كوچياس، گرەك تىلشىلەرىنە بەرگەن سۇحباتىندا: ء"بىز جاساعان قادامدار وتە كۇردەلى، الايدا قيىن بولعانىنا قاراماستان، ءبىر شەشىمگە كەلۋىمىزدى جەڭىلدەتەدى دەگەن ۇمىتتەمىز", - دەدى.
"ەل اتاۋى ماسەلەسى" تۋرالى نە بىلەمىز؟
الەمنىڭ كوپتەگەن ەلدەرى ماكەدونيانى ونىڭ زاڭدى اتاۋى "ماكەدونيا رەسپۋبليكاسى" دەپ تانيدى. ال، گرەكيا ءوز تەرريتورياسىندا "ماكەدونيا" دەپ اتالاتىن ايماق بولعاندىقتان ونىڭ اتاۋىن وزگەرتۋدى تالاپ ەتىپ كەلگەن-ءدى. ماكەدونيا، تاۋەلسىزدىگىن جاريالاعان 1991 جىلدان بەرى وڭتۇستىكتەگى كورشىسى گرەكيامەن اراداعى جالعاسقان "ەل اتاۋى ماسەلەسىنە" بايلانىستى ەۋروپا وداعى مەن ناتو-عا مۇشە بولا الماعان. ماكەدونيا بۇۇ مۇشەلىگىنە قابىلدانعان 1993 جىلىنىڭ ءساۋىر ايىندا بۇۇ باس اسسامبلەياسىندا حالىقارالىق تۇرعىدان تانىلعانمەن، وڭتۇستىك كورشىسى گرەكيانىڭ نارازىلىعىنا وراي، ۋاقىتشا "بۇرىنعى يۋگوسلاۆيا رەسپۋبليكاسى ماكەدونيا" دەگەن اتپەن مۇشەلىككە قابىلدانعان بولاتىن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى