فوتو: evrensel.net

ء"ۇندىستاننىڭ شىعىسىنداعى اسسام شتاتىندا تۇراتىن بەس ميلليونعا جۋىق مۇسىلمان، ءتيستى ورگاندارعا وزدەرىنىڭ نەمەسە وزدەرىنە دەيىنگى وتباسى مۇشەلەرىنىڭ 1971 جىلدان بۇرىن دا سول جەردە ءومىر سۇرگەنىن دالەلدەيتىن قۇجات تاۋىپ بەرە الماۋلارىنا بايلانىستى جەر اۋدارىلادى", - دەپ حابارلايدى "evrensel.net" اقپارات اگەنتتىگى.

اسسام ۇكىمەتىنىڭ ۇلتتىق ازاماتتاردى تىركەۋ بيۋروسى ءوز ازاماتتارىنا قاتىستى رەسمي تىركەۋ ءتىزىمىن جاساۋدى قولعا العان. وسى رەسمي قۇجاتتاۋ ءىسىنىڭ بەلسەندىلەرى التى جىل ىشىندە جۇزەگە اسىرىلعان ءتىزىم جاريالاۋ ءىسىنىڭ بانگلادەشتەن قۇجاتتاندىرىلماعان كوشپەندىلەردى انىقتاپ، دەپورتاتسيالاۋعا باعىتتالعانىن حابارلادى. اسسام، شامامەن 32 ملن.نان استام (ولاردىڭ ۇشتەن ءبىرى مۇسىلمان) ادامدى پانالاتىپ وتىر. ەندى اسسامنىڭ ۇلتتىق ازاماتتاردى تىركەۋ ىسىنە جاۋاپتى پراتيك حاجەلا، 4.8 ملن ادامعا قاتىستى الدىن الا ءتىزىم جاريالانباس بۇرىن، ولاردىڭ وزدەرىنەن تالاپ ەتىلگەن "بۇرىنعى قۇجاتتاردى" ۇسىنا الماعاندارىن ايتتى. ال ءۇندىستان پرەمەر-ءمينيسترى نارەندرا ءموديدىڭ "بحاراتيا دجاناتا" پارتياسى قولدارىندا ونداي قۇجاتتارى جوق مۇسىلمانداردى جەر اۋداراتىنىن مالىمدەدى.

تاريحقا ۇڭىلسەك، 1970 جىلداردىڭ باسىندا ون مىڭداعان مۇسىلمان پاكىستانداعى تاۋەلسىزدىك سوعىسى كەزىندە بانگلادەشتەن اسسامعا باس ساۋعالاعان. 1980 جىلدارى "كەلىمسەكتەرگە" قارسى ۇيىمداستىرىلعان ەرەۋىلدەردە جۇزدەگەن ادام قازا تاپقان. ەندى سول كەزدە بارعان مۇسىلماندار ءۇندىستان ازاماتى رەتىندە وزدەرىن دالەلدەۋ ءۇشىن وزدەرىنىڭ نەمەسە وزدەرىنەن بۇرىنعى وتباسى مۇشەلەرىنىڭ اسسامدا سول ۋاقىتتان بۇرىن تۇرعاندارىن دالەلدەيتىن قۇجات ۇسىنۋلارى ءتيىس. ولاردىڭ وسى جىلدىڭ 30 ساۋىرىنە دەيىن عانا ۋاقىتتارى بار.

الايدا، سىنشىلار مۇسىلماندار مەن بانگلادەشتىك بوسقىندار الەمنىڭ ەڭ قانالعان ازشىلىعى سانالاتىن روحينيا مۇسىلماندارىنىڭ كەبىن كيۋلەرى مۇمكىن دەپ بولجايدى.

“The Qazaq Times”