يران باسشىسى تۇركىمەنستاندا رەسمي ساپاردا. فوتو: يرنا.

وسى اپتادا يران پرەزيدەنتى تۇركىمەنستاندا رەسمي ساپاردا بولدى. ەكى ەل اراسىندا ىنتىماقتاستىقتى دامىتۋعا قاتىستى 13 ءتۇرلى قۇجاتقا قول قويدى. ىنتىماقتاستىق قادامدار ەنەرگەتيكا سالاسىنا كوبىرەك باعىتتالعان. بۇل تۋرالى يراننىڭ يرنا اقپاراتتىق اگەنتتىگى حابارلادى.

يران مەن تۇركىمەنستان باسشىلارىنىڭ كەزدەسۋىندە ەكى ەلدى تۇتاستىراتىن قۇرلىق جانە سۋ جولدارىن دامىتۋ تۋرالى كەڭەستى. يران باسشىسى حاسان رۋحاني تۇركىمەنستان مەن ير ورتالىق ازيانىڭ تەڭىزگە شىعاتىن ماڭىزدى قاقپاسى دەپ باعالاپ، ەكى ەلدىڭ بۇل سالاداعى ىنتىماقتاستىعى وڭىردە ستراتەگيالىق ىرىقتى ورىنعا جەتكىزەتىنىن اتاپ وتكەن.

يرانمەن ارىپتەستىك سەلبەستىكتى دامىتۋعا تۇركىمەنستان پرەزيدەنتى قۇربانقۇل بەردىمۇحاممەدوۆتا ىنتالى ەكەنىن جەتكىزدى. ول كەزدەسۋدەن كەيىن: «قول قويىلعان 13 قۇجات ەكى ەلدىڭ ەڭ ماڭىزدى سالالارىن دامىتۋدى كوزدەيدى. بۇل كەلىسىمدەر جۇزەگە اسقاننان كەيىن تۇركىمەنستان مەن يران اراسى ءتىپتى دە جاقىنداي تۇسەتىن بولادى»، – دەدى.

“The Qazaq Times”