كيم جوڭ ۋن مەن شي جينپيڭ كەزدەستى

سولتۇستىك كورەيا باسشىسى كيم جوڭ ۋن قىتاي باسشىسى شي جينپيڭمەن كەزدەستى – دەپ حابارلايدى شينحۋا اقپارات اگەنتتىگى.

اگەنتتىك مالىمەتىنشە، كيم جوڭ ۋن قىتايعا 25 ناۋرىز كۇنى بەيرەسمي ءىس-ساپارمەن بارعان. ول ءىس-ساپار بارىسىندا قىتاي باسشىسى شي جينپيڭمەن كەزدەسىپ، ونى مەملەكەت باسشىسى بولىپ قايتا سايلانۋىمەن قۇتتىقتاعان. بۇدان بولەك ەكى ەل باسشىلارى ەكى جاقتىق قارىم-قاتىناستى دامىتۋ، ايماقتىق جانە حالىقارالىق ماسەلەلەردى تالقىلاعان. كەزدەسۋ بارىسىندا شي جينپيڭ: «ءبىز سولتۇستىك كورەيالىق جولداستارىمىز بەن  كەزدەسۋگە قاشان دا دايىنبىز جانە العا قاراي دامۋ ءۇشىن، ايماق تىنىشتىعىن قامتاماسىز ەتۋ ءۇشىن ارىپتەستىك ورناتۋعا نيەتتىمىز» - دەگەن.

ەستەرىڭىزگە سالايىق، بۇعان دەيىن باق بەتتەرىندە سولتۇستىك كورەيا باسشىسى كيم جوڭ ۋننىڭ اقش پرەزيدەنتى دونالد ترامپپەن كەزدەسۋگە نيەتتى ەكەندىگى جونىندە اقپارات تاراعان. اقش پەن سولتۇستىك كورەيا اراسىنداعى قارىم-قاتىناس وڭتۇستىك كورەيادا وتكەن قىسقى وليمپيادا ويىندارىنان كەيىن جاقسارا تۇسكەن. وليمپيادا ويىندارى كەزىندە كحدر باسشىسىنىڭ قارىنداسى كيم ە جوڭ وڭتۇستىك كورەيا پرەزيدەنتى ءمۇن جاينمەن كەزدەسكەن. اتالمىش كەزدەسۋدەن كەيىن وڭتۇستىك كورەيا وكىلدەرى سولتۇستىك كورەياعا رەسمي ءىس-ساپارمەن بارىپ، كەيىننەن اقش-قا ساپارلاعان.

“The Qazaq Times”