بريتاندىق The Economist جۋرنالىنىڭ Economist Intelligence Unit (EIU) دەپ اتالاتىن زەرتتەۋ جانە تالداۋ ءبولىمى الەمدەگى ەڭ قىمبات قالالالاردىڭ ءتىزىمىن جاسادى. ادەتتەگىدەي سينگاپۋر ەڭ قىمبات قالالار تىزىمىندە كوش باستاپ تۇر.

ەكىنشى قورىندا پاريج، ودان كەيىن تسيۋريح تۇر. ەڭ قىمبات قالالاردىڭ وندىعىنا گونكونگ، وسلو، سەۋل، جەنەۆا، كوپەنگاگەن، تەل-اۆيۆ جانە سيدنەي كىردى. ال 2014 جىلى وسى وندىقتىڭ ىشىندە بولعان توكيو وتكەن جىلى 4 ورىندا بولعان، بيىل 11 ورىندا.

ءومىر ءسۇرۋ قۇنى قىمباتتاي تۇسكەن قالالاردىڭ ءبىرى - مەحيكو. سەبەبى سولتۇستىك امەريكانىڭ ەركىن ساۋدا تۋرالى كەلىسىمدى قايتا قاراۋ كەلىسسوزدەرىنەن كەيىن مەكسيكالىق پەسو السىرەي تۇسكەن.

اتالعان رەيتينگ بويىنشا ءتىزىمدى ءۇندىستاننىڭ  بانگالورۋ اياقتاپ تۇر. EIU باعالاۋى بويىنشا ەڭ ارزان قالالار تىزىمىنە ۆچەنناي، كاراچي، نيۋ-دەلي، داماسك، كاراكاس، الماتى، لاگوس، الجير جانە بۋحارەست كىرگەن.

EIU نيۋ-يوركتەگى كۇنكورىس دەڭگەيىمەن سالىستىرا وتىرىپ، جىلىنا ەكى رەت الەمنىڭ 133 قالاسىنداعى ءومىر ءسۇرۋ قۇنىنىڭ يندەكسىن ەسەپتەيدى. ساراپشىلار 400-گە جۋىق تاۋار ءتۇرىنىڭ جانە 160 ءتۇرلى قىزمەتتىڭ باعاسىن سالىستىرادى.

جالپى ساراپشىلاردىڭ مالىمەتىنشە، جوعارىداعى باسقا قالالارمەن سالىستىرعاندا سينگاپۋردا كۇندەلىكتى سۇرانىستاعى تاۋارلار ارزان. الايدا حالىقتىڭ اۆتوكولىككە جۇمسايتىن شىعىندارى مەگاپوليستىڭ ءبىرىنشى ورىندا بولۋىنا اسەر ەتىپ وتىر.

ال رەسەيدىڭ ماسكەۋ جانە سانكت-پەتەربۋرگ قالالارى قىمبات قالالار تىزىمىنە باسقا كورسەتكىشتەر بويىنشا ەنىپ وتىر. مىسالى باعانىڭ كوتەرىلۋىنە بايلانىستى ماسكەۋ 8-ءشى، سانكت-پەتەربۋرگ 3-ءشى ورىندا تۇر. ال شىن مانىندە ەڭ قىمبات قالالار اراسىندا ەكى قالا 86 جانە 98 ورىندا.

“The Qazaq Times”