Британдық The Economist журналының Economist Intelligence Unit (EIU) деп аталатын зерттеу және талдау бөлімі әлемдегі ең қымбат қалалалардың тізімін жасады. Әдеттегідей Сингапур ең қымбат қалалар тізімінде көш бастап тұр.

Екінші қорында Париж, одан кейін Цюрих тұр. Ең қымбат қалалардың ондығына Гонконг, Осло, Сеул, Женева, Копенгаген, Тель-Авив және Сидней кірді. Ал 2014 жылы осы ондықтың ішінде болған Токио өткен жылы 4 орында болған, биыл 11 орында.

Өмір сүру құны қымбаттай түскен қалалардың бірі - Мехико. Себебі Солтүстік Американың еркін сауда туралы келісімді қайта қарау келіссөздерінен кейін мексикалық песо әлсірей түскен.

Аталған рейтинг бойынша тізімді Үндістанның  Бангалору аяқтап тұр. EIU бағалауы бойынша ең арзан қалалар тізіміне Вченнай, Карачи, Нью-Дели, Дамаск, Каракас, Алматы, Лагос, Алжир және Бухарест кірген.

EIU Нью-Йорктегі күнкөріс деңгейімен салыстыра отырып, жылына екі рет әлемнің 133 қаласындағы өмір сүру құнының индексін есептейді. Сарапшылар 400-ге жуық тауар түрінің және 160 түрлі қызметтің бағасын салыстырады.

Жалпы сарапшылардың мәліметінше, жоғарыдағы басқа қалалармен салыстырғанда Сингапурда күнделікті сұраныстағы тауарлар арзан. Алайда халықтың автокөлікке жұмсайтын шығындары мегаполистің бірінші орында болуына әсер етіп отыр.

Ал Ресейдің Мәскеу және Санкт-Петербург қалалары қымбат қалалар тізіміне басқа көрсеткіштер бойынша еніп отыр. Мысалы бағаның көтерілуіне байланысты Мәскеу 8-ші, Санкт-Петербург 3-ші орында тұр. Ал шын мәнінде ең қымбат қалалар арасында екі қала 86 және 98 орында.

“The Qazaq Times”