YPG ۇيىمىنىڭ افرين ايماعىنداعى كۇشتەرى. فوتو: maps.southfront.org.

تۇركيالىق باق-تىڭ حابارلاۋىنا قاراعاندا، ءسۇريانىڭ افرين ايماعىندا تەررورلىق توپتاردىڭ جەتەكشىلەرى ايماقتى تاستاپ قاشۋعا ارەكەت جاساعان. اتالعان ايماقتا تۇركيا تارابى بولشەكتەۋشى تەررورلىق ۇيىم دەپ تانىعان PKK-نىڭ سۇرياداعى تارماعى YPG/PYD ۇيىمدارىنىڭ جەتەكشىلەرى بولعان. بۇل تۋرالى «انادولى» اقپاراتتىق اگەنتتىگى حابارلادى.

حابارعا قاراعاندا، YPG/PYD جەتەكشىسى سايت يسمەر گۋبار افريندەگى وزدەرى باقىلاۋىنا العان اۋدانداردان كەتىپ، قازىرگى كەزدە يران قارۋلى كۇشتەرىنىڭ باقىلاۋىندا تۇرعان نۋبۋل ايماعىنا تۇراقتاعان. YPG/PYD ۇيىمدارى جەتەكشىلەرىن قايتارىپ كەلۋ ماقساتىندا نۋبۋل ايماعىنداعى يران قولداۋ كورسەتەتىن ۇيىمدارمەن كەلىسسوزدەر جۇرگىزۋدە.

YPG/PYD ۇيىمىنىڭ تاعى ءبىر جەتەكشىسى حاسان بايرام قوماقتى اقشانى الىپ افرين ايماعىنان قاشىپ شىعۋ ءۇشىن جاساعان ارەكەتى ءساتسىز بولعان. قازىر ونى تەررورلىق ۇيىم باقىلاۋدا ۇستاپ وتىرعانى ءمالىم بولدى.

تۇركيا اقپارات قۇرالدارى ۇيىمنىڭ نەگىزگى باسشىلارى يراك جەرىندە ەكەنىن، افرينگە كەلگەن جەتەكشىلەرىنىڭ كوبى تۇركيا ارمياسى ايماققا باسىپ كىرگەننەن كەيىن قاشىپ كەتكەنىن ايتادى.

“The Qazaq Times”