فوتو: today.kz

قىرعىزستان پرەزيدەنتى سووروباي جەەنبەكوۆ باق باسشىلارىمەن كەزدەسۋ كەزىندە ءوزىنىڭ تۋىستارى مەملەكەت باسشىسىنىڭ جۇمىسىنا ارالاسپايتىن بولادى دەپ مالىمدەگەن. بۇل تۋرالى ورتالىق ازيا جاڭالىقتار قىزمەتى حابارلادى. 

ونىڭ سوزىنشە، كوبى مەملەكەتتىك لاۋازىمدى قىزمەتكە تۋىستارىن تاعايىندايدى ما دەپ قورقادى. اتاپ ايتقاندا ءوزىنىڭ كىشى باۋىرى اسىلبەك جەەنبەكوۆ جايلى كوپ ءسوز بولادى ەكەن.

"ولار وزدەرىنىڭ جۇمىستارىن جاقسى جۇرگىزىپ جاتىر. مەن اقاەۆ پەن باكيەۆتىڭ تاعدىرلارىنىڭ قالاي بولعانىن كوردىم. مەن التى جىلدان كەيىن باسىمدى كوتەرىپ، ادامدارمەن ەركىن كەزدەسكىم كەلەدى", - دەدى ول.

اسىلبەك جەەنبەكوۆ پارلامەنت سپيكەرى بولعان. بىراق سوورونباي جەەنبەكوۆ پرەمەر-مينيسترلىككە ۇسىنىلعان كەزدە، ول قىزمەتىنەن كەتكەن. كەيىن سوتسيال دەموكراتيالىق پارتيا سوورونباي جەەنبەكوۆتى پرەزيدەنتتىككە ۇسىندى. قازىر اسىلبەك جەەنبەكوۆ - پارلامەنت دەپۋتاتى.

“The Qazaq Times”