«وسكار» ءمۇسىنى ۇرلاندى

كۇنى كەشە الەمدىك دەڭگەيدەگى "وسكار" جۇلدەگەرلەرىن ماراپاتتاۋ ءراسىمى وتكەنى بارشاعا بەلگىلى. الايدا، سالتاناتتى ءراسىم اياقتالعاننان كەيىن ماراپات يەلەرىنە ارنالعان كەشكى بالدا "ەڭ ۇزدىك اكتريسا" نوميناتسياسى بويىنشا "وسكار" جۇلدەسىنە لايىق دەپ تانىلعان فرەنسيس ماكدورماند وزىنە تابىستالعان مۇسىننەن ايىرىلىپ قالدى.

ءمۇسىندى جىمقىرعان ۇرى بوي جاسىرىپ ۇلگەرگەن. شارا ۇيىمداستىرۋشىلارى جايسىز وقيعانى ەل نازارىنان جاسىرىپ، جاعدايدى رەتتەۋگە بارىنشا تىرىسقانمەن، مۇنداي "توسىن سىيدى" كۇتپەگەن ماكدورماندتىڭ مۇسىننەن كۇدەرىن ءۇزىپ، جۇرتتىڭ الدىندا كوز جاسىن توككەنى تۋرالى جۋرناليستەر جارىسا حابارلاۋدا.

ءسال كەيىنىرەك، ايتۋلى شارادا جۇمىس ىستەيتىن فوتوگراف ۇرىنى ۇستاپ العان. اكتريسانىڭ رۇقساتىمەن ۇستالعان ەر ادام دەرەۋ بوساتىلىپ، دەرەۋ ءىزىن جاسىرعان. ءمۇسىننىڭ ءارتىستىڭ قولىنا تيگەنى تۋرالى اقپاراتتى ونىڭ وكىلى راستادى.

“The Qazaq Times”