Фото: haberturk.com

Күні кеше әлемдік деңгейдегі "Оскар" жүлдегерлерін марапаттау рәсімі өткені баршаға белгілі. Алайда, салтанатты рәсім аяқталғаннан кейін марапат иелеріне арналған кешкі балда "ең үздік актриса" номинациясы бойынша "Оскар" жүлдесіне лайық деп танылған Фрэнсис Макдорманд өзіне табысталған мүсіннен айырылып қалды.

Мүсінді жымқырған ұры бой жасырып үлгерген. Шара ұйымдастырушылары жайсыз оқиғаны ел назарынан жасырып, жағдайды реттеуге барынша тырысқанмен, мұндай "тосын сыйды" күтпеген Макдормандтың мүсіннен күдерін үзіп, жұрттың алдында көз жасын төккені туралы журналистер жарыса хабарлауда.

Сәл кейінірек, айтулы шарада жұмыс істейтін фотограф ұрыны ұстап алған. Актрисаның рұқсатымен ұсталған ер адам дереу босатылып, дереу ізін жасырған. Мүсіннің әртістің қолына тигені туралы ақпаратты оның өкілі растады.

“The Qazaq Times”