رەسەي ءسىم باسشىسى. فوتو: ريا نوۆوستي.

رەسەي سىرتقى ىستەر ءمينيسترى سەرگەي لاۆروۆ قۇراما شتاتتى سىنعا الىپ، «رەسەيگە قارسى يادرولىق قارۋ قولدانۋ ماقساتىندا ەۋروپا قارۋلى كۇشتەرىن دايىنداۋدا» دەدى. رەسەي ءسىم باسشىسى بۇل پىكىرىن بۇۇ-نىڭ جەنەۆاداعى كەڭسەسىندە وتكىزىلگەن «يادرولىق قارۋسىزدانۋ» تاقىرىبىنداعى كونفەرەنتسيادا العا قويدى. بۇل تۋرالى «People» باسىلىمى حابارلادى.

رەسەي لاۋازىمدىسى سوزىندە: «قازىر الەم بىلىقپالىق كۇيىندە تۇر. اسىرەسە، جاھاندىق جانە ايماقتىق دەڭگەيدەگى قاۋىپسىزدىك پەن تۇراقتىلىقتى قامتاماسىز ەتۋ ءۇشىن جۇيەلى ءارى ورتاق تالپىنىس جاساۋ كەرەك»، – دەي كەلىپ، اقش ەۋروپادا ستراتەگيالىق ماڭىزعا يە ەمەس، شاعىن يادرولى قارۋلار ارقىلى «يادرولىق قارۋسىزدانۋ» پروتسەسىنە توسقاۋىل قويىپ وتىرعانىن اتاپ ءوتتى.

لاۆروۆ سوزىندە: «اقش ارمياسى رەسەيگە قارسى يادرولىق قارۋلاردى قولدانۋ ماقساتىندا ەۋروپا ەلدەرىنىڭ قارۋلى كۇشتەرىن جاتتىعۋدان وتكىزۋدە»، – دەگەن ءسوزىن كىرىستىردى.

اتالعان كونفەرەنتسيادا پىكىرلەر مەن ۇستانىمداردىڭ ۇقساماستىعىنا قاراماستان، الەمدەگى باسىم كوپ ەلدىڭ اتوم قارۋىن قولدانباۋدى، يادرولىق قارۋلاردى شەكتەۋ تۋرالى ۇسىنىستى قولدايتىنىن بايقاتتى.

“The Qazaq Times”