يرانداعى قۋاڭشىلىق. فوتو: زەمليا - حرونيكي جيزني.

يراننىڭ 97 پايىز جەرىن قۇرعاقشىلىق جايلاعان. اتالعان مالىمەتتى قۇرعاقشىلىق جانە تابيعي رەسۋرستاردى باسقارۋ ورتالىعىنىڭ جەتەكشىسى شاحرۋح فاتيح رەسمي مالىمدەمەسىندە ورتاعا قويدى. بۇل تۋرالى «انادولى» اقپاراتتىق اگەنتتىگىنىڭ رەسمي سايتى حابارلادى.

قازىرگى كەزدە، قۇرعاقشىلىق، سۋ تاپشىلىعى جانە اۋانىڭ لاستانۋى – يراننىڭ ەڭ باستى پروبلەماسى. قىس ايلارى باستالا سالىپ ەلدىڭ ورتالىق قالاسىندا اۋانىڭ لاستانۋى ەڭ جوعارى شەككە جەتتى. ال، جالپى ەل كولەمىندە قۇرعاقشىلىقتان كوپتەگەن وزەن-كولدەر سۋالىپ، قۇمدى-شولدەر بارعان سايىن كەڭەيگەن.

شاحرۋح فاتيح مالىمدەمەسىندە ەلدىڭ تۇتاس اۋماعىن شارپىعان قۇرعاقشىلىقتى توقتاتۋ قازىرگە مۇمكىن بولماي وتىرعانىن ايتتى. ونىڭ تەك سۋ ۇنەمدەۋ ارقىلى عانا جەڭىلدەتۋگە بولادى. مالىمەتكە سايكەس، يران يسلام رەسپۋبليكاسىنىڭ حۋزيستان، يلام، بۋشەر، كوحگيل، بۋەر-احمەد، افريس، سيستان-بەلۋدجيستان، حوراسان، يسفاحان پروۆينتسيالارىندا قۇرعاقشىلىق ەڭ اۋىر.

تەھران (تەگەران) بيلىگى اتالعان پروبلەماعا قارسى جوبالار جاساپ، كوپ مولشەردە قارجى بولگەنىمەن، تابيعي اپاتتىڭ الدىن الا الماي كەلەدى.

“The Qazaq Times”