يتالياداعى نەوفاشيستىك يدەيانىڭ بەلەڭ الۋىنا بايلانىستى قارسىلىعىن ءبىلدىرۋ ءۇشىن سەنبى كۇنى ريمدە انتيفاشيستىك ەرەۋىلشىلەر ورتالىق الاڭعا جينالدى، - دەپ حابارلايدى Euronews اقپارات اگەنتتىگى.

ساياساتكەرلەر، كاسىپوداق قىزمەتكەرلەرى مەن پرەمەر-مينيستر پاولو گەنتيلوني (Paolo Gentiloni ) دە ەلدەگى فاشيزم مەن ناسىلشىلدىكتى توقتاتۋعا شاقىرۋ ءۇشىن ەرەۋىلشىلەرگە قوسىلدى.

4 ناۋرىزدا وتەتىن سايلاۋ قارساڭىندا سول قاناتتاعى ەرەۋىلشىلەر مەن نەوفاشيستىك پارتيا وكىلدەرى اراسىندا قاقتىعىس جيىلەپ كەتتى. جاقىندا جۇرگىزىلگەن ساۋالناما جەرگىلىكتى حالىق ەلدەگى جاعدايعا يمميگرانتتاردى كىنالايتىنىن كورسەتتى.

وڭ قاناتتاعى وداق وكىلدەرى (بۇرىنعى پرەمەر-مينيستر سيلۆيو بەرلۋسكوني مەن ءسالۆينيدى قوسقاندا) سايلاۋدا جەڭىسكە جەتسە، يمميگرانتتاردىڭ كوپشىلىگىن ەلدەن شىعارۋعا ءسوز بەردى.

يتاليانىڭ ورتالىعىنداعى ماسەراتا (Macerata) قالاسىندا اقپان ايىنىڭ باسىندا وڭ قاناتتاعى وداق وكىلى، قارۋلى ازامات (نەوفاشيستىك كوزقاراستاعى) 6 افريكالىق ميگرانتتى جاريالاعان.

مازەراتادان وسى ەرەۋىلگە قاتىسۋعا ارنايى كەلگەن دجۋليا ميسەرا (Giulia Missera) ميگرانتتاردى جەرگىلىكتى حالىققا قوسۋدىڭ امالىن قاراستىرۋ كەرەك دەگەن ويدا.

ەرەۋىلشىلەر نارازىلىعىن ءبىلدىرۋ ءۇشىن ميلاننىڭ باستى الاڭىنداعى يتاليانىڭ قاھارمانى سانالاتىن دجۋزەپپە گاريبالدي ەسكەرتكىشىنىڭ الدىنا جينالدى. ومون قىزمەتكەرلەرى ەرەۋىلگە شىققانداردى الاڭنان شىعارا الماي قاقتىعىس باستالىپ كەتتى.

“The Qazaq Times”