بۇۇ قاۋىپسىزدىك كەڭەسى. فوتو: Council on Foreign Relations.

بۇۇ قاۋىپسىزدىك كەڭەسى ءسۇريا ءبىتىمى ءۇشىن كۇش بىرىكتىرىپ، «ءسۇريادا ءبىر اي گۋمانيتارلىق ءبىتىم» جاساماق. بۇل باستامانى اقپان ايىنداعى كەزەكتى توراعا كۋۆەيت پەن شۆەتسيا كوتەرگەن. بۇل تۋرالى «People» باسىلىمى حابارلادى.

جوبانىڭ داۋىسقا سالۋ حالىقارالىق قاۋىمداستىق مۇشەلەرى اراسىندا كەشە كەشتە باستالدى. ماقساتى سۇرياعا گۋمانيتارلىق كومەك جەتكىزۋدى قولعا الۋ. ونىڭ سىرتىنداعى اۋە شابۋىلدارى بولىپ جاتقان شىعىس گۋتاداعى تۇرعىنداردى ەۆاكۋاتسيالاۋ ءۇشىن ءبىر ايعا ءبىتىم تالاپ ەتتى.

ەكى كۇن بۇرىنعى وتىرىستا رەسەي تارابى جوباعا كەلىسىم بەرمەيتىنىن، جوباعا وزگەرىس ەنگىزۋ تالابىن قويىپ، ءوز ۇسىنىستارىن ورتاعا قويعان بولاتىن. دەگەنمەن، رەسەيدىڭ ۇسىنىسى داۋىسقا سالۋ كەزىندە قولداۋ تابۋى ەكىتالاي.

قاۋىپسىزدىك كەڭەستە ءبىر جوبانىڭ تولىق قابىلدانۋى ءۇشىن، تۇراقتى مۇشەلەرى ايتالىق اقش، رەسەي، قىتاي، ۇلىبريتانيا جانە فرانتسيا ۆەتو قويماۋى جانە  15 مۇشە ەلدىڭ توعىزى ماقۇلداۋدان وتكىزۋى كەرەك.  

“The Qazaq Times”