لاتۆيانىڭ ورتالىق بانك توراعاسىن ەلدىڭ جەمقورلىقپەن كۇرەس جونىندەگى اگەنتتىگى تۇتقىنعا الدى. ەلدىڭ قارجى ءمينيسترى تەرگەۋ ءجۇرىپ جاتقان كەزدە يلمارس ريمشەۆيچتەن (Ilmars Rimsevics ) ءوز ەركىمەن ورنىن بوساتۋىن سۇرادى، - دەپ حابارلايدى Euronews اقپارات اگەنتتىگى.

توراعانى تۇتقىنعا الۋعا بايلانىستى ناقتى ەشقانداي اقپارات جاريالانبادى. ريمشەۆيچ سونىمەن قاتار ەۋروپالىق ورتالىق بانكتىڭ باسقارما كەڭەسىنىڭ مۇشەسى.

الەمدىك داعدارىس سالدارىنان ءوندىرىسىنىڭ 1/5 بولىگىن جوعالتقان لاتۆيا ەندى ەسىن جيناپ كەلە جاتقاندا، ورتالىق بانك توراعاسىنىڭ جەمقورلىقپەن كۇرەس اگەنتتىگىنە ۇستالۋى ەل ەكونوميكاسىنا زيانىن تيگىزە مە دەگەن قاۋىپ بار.

“The Qazaq Times”