ترامپ پەن پۋتين اراسىندا حابارلاسۋ جيىلەدى

سەيسەنبى كۇنى اقش پرەزيدەنتى دونالد ترامپ ماسكەۋدە بولعان ۇشاق اپاتىندا قازا بولعان رەسەيلىكتەرگە كوڭىل ايتىپ، پۋتينگە ارنايى قوڭىراۋ شالعان ەدى. وسى قوڭىراۋدان ءبىر كۇن كەيىن اقش-تىڭ فلوريدا شتاتىندا مەكتەپكە قارۋلى شابۋىل جاسالىپ 17 ادام قازا تاپتى. كەشە رەسەي پرەزيدەنتى اق ۇيگە جەدەل حات جولداپ، قايعىلى وقيعاعا بايلانىستى قايىرا كوڭىل ايتتى. بۇل تۋرالى «شينلاڭ» اقپاراتتىق سايتى جازدى.

جەدەل حاتتا رەسەي پرەزيدەنتى قارۋلى شابۋىلدان قازا بولعانداردىڭ تۋىستارىنا كوڭىل ايتىپ، قايعىسىنا ورتاقتاساتىنىن جانە زارداپ شەككەندەردىڭ ەرتەرەك قالىپتى ومىرگە قايتىپ ورالۋىنا تىلەكتەس ەكەنىن بىلدىرگەن.

اق ۇيدەگى پرەزيدەنت كەڭسەسىنە دونالد ترامپ كەلگەلى بەرى ونىڭ رەسەي پرەزيدەنتىمەن جاقىن قارىم-قاتىناستا بولعىسى كەلەتىنى انىق بايقالادى. قازىرگىدەي اقش-رەسەي قاتىناسى تاريحتاعى ەڭ ءبىر سالقىن كۇيىندە تۇرعان ۋاقىتتا، ەكى ەل باسشىسىنىڭ ءوزارا قاندايدا ءبىر سىلتاۋ تاۋىپ، ءبىر بىرىنە حابارلاسۋى ەكى ەلدىڭ ديپلوماتيالىق بايلانىسىن ۇستاپ تۇرعان نازىك تەتىكتىڭ ءبىرى.

“The Qazaq Times”