مىسىردىڭ باس اۋديتورى تۇتقىنعا الىندى

Al Jazeera اقپارات اگەنتتىگىنىڭ مالىمەتىنشە، مىسىر بيلىك وكىلدەرى شتابتىڭ بۇرىنعى باسشىسى، قازىر قاماۋدا وتىرعان سامي اناننىڭ (Sami Anan) كومەكشىسى، ەلدىڭ بۇرىنعى باس اۋديتورى حيشام گەنەنانى دا (Hisham Genena) تۇتقىنعا الدى.

گەنەنانىڭ قورعۋشىسى ونىڭ سەيسەنبى كۇنى استانانىڭ جاڭا كاير ايماعىنداعى ءوزىنىڭ ۇيىنەن تۇتقىندالعانىن باق-قا بەرگەن سۇحباتىندا ايتتى.

حيشام گەنەنا اناننىڭ سايلاۋ الدى كامپانياسىندا بەلسەندى قىزمەت اتقارعان. وتكەن ايدا ول "رەسمي تەرگەۋدى قاجەت ەتەتىن" زاڭ بۇزۋشىلىقتارى ءۇشىن اسكەري تۇرمەگە قامالعان.

دۇيسەنبى كۇنى ەلدىڭ جوعارعى كوميتەتى گەنەنانىڭ "پرەزيدەنت اناننىڭ قولىندا بيلىك باسىندا وتىرعانداردى اشكەرەلەيتىن قۇجاتتار مەن دالەلدەر بار" دەگەن سوزىنەن كەيىن بۇرىنعى پرەزيدەنتكە جانە ونىڭ كومەكشىسىنە قاتىستى تەرگەۋ ءىسىن قوزعايمىز دەپ مالىمدەمە جاسادى.

گەنەنانىڭ ايتۋىنشا، ول قۇجاتتاردا 25 قاڭتارداعى كوتەرىلىستى ۇيىمداستىرۋشىلار تۋرالى دا اقپارات بار.

جوعارعى كوميتەت حاتشىسى تامەر ريفايدىڭ (Tamer Rifai ) ايتۋىنشا، قارۋلى كۇشتەر سوتتالۋشىلارعا قارسى سوت ءىسىن جۇرگىزۋ ءۇشىن "كونستيتۋتسيامەن كەپىلدەندىرىلگەن بارلىق قۇقىقتاردى پايدالانادى".

“The Qazaq Times”