بۇرىنعى پرەزيدەنت مۋرسي سوت زالىندا قازا تاپتى. فوتو: The Globe Post.

مىسىردىڭ بۇرىنعى پرەزيدەنتى مۇحاممەد مۋرسي سوت زالىندا كوز جۇمدى. ول مىسىر تاريحىندا العاش رەت دەموكراتيالىق سايلاۋمەن بيلىككە شىققان پرەزيدەنت رەتىندە قالعان بولاتىن. ونىڭ سوت ۇستىندە قازا بولعانىن سول ەلدىڭ مەملەكەتتىك تەلەارنالارى حابارلاعان. 

پرەزيدەنت مۋرسي 2013 جىلى شىلدەدە بيلىكتەن قۇلاتىلعان. ەلدە ءسيسيدىڭ باسشىلىعىنداعى قارۋلى توڭكەرىس بولىپ، بيلىكتى اسكەريلەر كۇشپەن باسىپ العان ەدى. جاڭا بيلىك پرەزيدەنت مۋرسي مەن ونىڭ قاراماعىنداعى مىڭداعان لاۋازىمدى تۇلعالاردى تۇرمەگە جاپقان.

تۇركيا، تۋنيس، يوردانيا جانە بىرقاتار كورشىلەس ەلدەرىنىڭ باسشىلارى قازا تاپقان بۇرىنعى پرەزيدەنت ءمۋرسيدىڭ جاقىندارىنا جانە مىسىر حالقىنا كوڭىل ايتىپ، ازالى حات جولداعان.

تۇركيا پرەزيدەنتى رەجەپ تايىپ ەردوعان ءمۋرسيدىڭ سوت زالىندا قازا بولۋىنا وكىنىشىن ءبىلدىرىپ، قازىرگى مىسىر بيلىگىن ايىپتاعان.

“The Qazaq Times”