لاتىن امەريكاسىنىڭ "ليما توبى" (وڭتۇستىك جانە سولتۇستىك امەريكانىڭ 12 ەلى) كانادامەن بىرگە ۆەنەسۋەلا باسشىسى نيكولاس مادۋروعا (Nicolas Maduro) قارسى شىقتى، - دەپ حابارلايدى Euronews اقپارات اگەنتتىگى. 

ۆەنەسۋەلا پرەزيدەنتىنە كورشىلەس حالىقتار وپپوزيتسيالىق زاڭ شىعارۋشىلار كەلىسىمىنسىز سايلاۋ وتكىزگەنى ءۇشىن قارسى شىققان. ونىڭ ۇستىنە جەرگىلىكتى حالىقتىڭ پرەزيدەنتتىڭ ەلدەگى ەكونوميكالىق جانە ساياسي داعدارىستاردى رەتتەۋ شارالارىنا دا كوڭىلى تولمايدى.

ۆەنەسۋەلالىقتاردىڭ ەكونوميكالىق داعدارىس كەسىرىنەن ەلدەن جاپپاي قونىس اۋدارۋى سالدارىنان ەلدە تۋىنداعان گۋمانيتارلىق داعدارىستى جەڭۋ ءۇشىن كولۋمبيا حالىقارالىق كومەك سۇراپ جاتىر.

وتكەن اپتادا كولۋمبيا شەكارالىق باقىلاۋ مەن شەكارالارداعى قالالار قاۋىپسىزدىگىن كۇشەيتتى.

مادۋرونىڭ سىنشىلارىنىڭ ايتۋىنشا، ونىڭ جۇرگىزگەن ساياساتى ەلدى قۇلدىراۋعا الىپ كەلىپ، ازىق-تۇلىك پەن مەديتسينالىق ءدارى-دارمەكتىڭ تاپشىلىعىنا الىپ كەلدى. مىڭداعان ادام كەدەيشىلىكتە ءومىر ءسۇرىپ، ەلدەن كەتۋگە ءماجبۇر بولدى.

“The Qazaq Times”