«قازاقستاندا قارجى پيراميداسىن قۇردى» دەلىنگەن كۇدىكتى ماسكەۋدە ۇستالدى

Questra World, A.G.A.M.، Forex Trend, Panteon Finance سىندى قارجى ۇيىمدارىن قۇرعان پاۆەل كرىموۆ ماسكەۋدە ۇستالدى، دەپ حابارلايدى  Lenta.ru.

بۇدان بۇرىن بەلگىلى بولعانداي، Questra World قازاقستاندا قارجى پيراميداسى رەتىندە اتالعان بولاتىن.

رەسەيدىڭ قۇقىق قورعاۋ ورگاندارىنىڭ مالىمەتىنە قاراعاندا كرىموۆ 2018 جىلدىڭ 6 اقپانىندا شەرەمەتەۆودا ۇستالعان. تەكسەرۋ جۇرگىزۋ كەزىندە رەسەي بيلىگىنىڭ وكىلدەرى ونىڭ قازاقستاندا ىزدەستىرىلىپ جاتقانىن انىقتاعان. سەبەبى قازاقستاننىڭ قىلمىستىق پوليتسياسى كاسىپكەردى ۇستاۋعا كومەكتەسۋ تۋرالى ءوتىنىش جىبەرگەن.

جابىرلەنۋشىلەردىڭ بەرگەن مالىمەتتەرى بويىنشا سوڭعى جىلدارى كرىموۆ ءوزىنىڭ "جوبالارى" ارقىلى 30 ملن دوللاردان اسا قارجى تاپقان. بۇدان بولەك ول ۋكراينا جانە بەلارۋس تەرريتورياسىندا دا جۇمىس ىستەگەن.

ەندى الاياقتىقپەن ۇستالعان كۇدىكتى 2018 جىلدىڭ 17 ناۋرىزىنا دەيىن ماسكەۋدە قاماۋدا بولادى. الداعى كۇندەرى، ياعني قاماۋدا وتىرۋ مەرزىمى اياقتالعانعا دەيىن كرىموۆ الماتىعا ەكستراديتسيالانىپ، قازاقستان سوتىنا بەرىلۋى مۇمكىن.

“The Qazaq Times”