Questra World, A.G.A.M., Forex Trend, Panteon Finance сынды қаржы ұйымдарын құрған Павел Крымов Мәскеуде ұсталды, деп хабарлайды  Lenta.ru.

Бұдан бұрын белгілі болғандай, Questra World Қазақстанда қаржы пирамидасы ретінде аталған болатын.

Ресейдің құқық қорғау органдарының мәліметіне қарағанда Крымов 2018 жылдың 6 ақпанында Шереметьевода ұсталған. Тексеру жүргізу кезінде Ресей билігінің өкілдері оның Қазақстанда іздестіріліп жатқанын анықтаған. Себебі Қазақстанның қылмыстық полициясы кәсіпкерді ұстауға көмектесу туралы өтініш жіберген.

Жәбірленушілердің берген мәліметтері бойынша соңғы жылдары Крымов өзінің "жобалары" арқылы 30 млн доллардан аса қаржы тапқан. Бұдан бөлек ол Украина және Беларусь территориясында да жұмыс істеген.

Енді алаяқтықпен ұсталған күдікті 2018 жылдың 17 наурызына дейін Мәскеуде қамауда болады. Алдағы күндері, яғни қамауда отыру мерзімі аяқталғанға дейін Крымов Алматыға экстрадицияланып, Қазақстан сотына берілуі мүмкін.

“The Qazaq Times”