يران اقش-تىڭ قۇپيا كەلىسىمگە كەلۋ تالابىنان باس تارتقان

اقش لاۋازىمدىلارى مەن كەلىسسوزگە جاۋاپتى تۇلعالاردىڭ مالىمەتىنە قاراعاندا، اق ءۇي بىلتىر جەلتوقسان ايىندا اقش-يران ورتاسىندا قۇپيا كەلىسسوز ورناتىپ، تۇتقىنداردى بوساتۋ تۋرالى ءوزارا كەلىسىمگە كەلۋدى ۇسىنعان. بۇعان قوسا وسى ماسەلە جونىندە اقش تارابى يرانعا بىرقاتار كەڭەستەردى بەرگەن. بۇل تۋرالى تانىمال "The Wall Street Journal" باسىلىمى حابارلادى.

دەگەنمەن، جاۋاپتى تۇلعالاردىڭ تالداۋىنا قاراعاندا، العاشقى ۇسىنىستى يران تارابى ۇسىنىستى جاۋاپسىز قالدىرعان. كەيىن ۋاشينگتون تارابى كەمىندە ءۇش رەت ۇسىنىستى قايتالاسا دا تەھران (تەگەران) بيلىگى اقش وكىلدەرىمەن كەلىسسوزدەن باس تارتقان. يراننىڭ قاتاڭ پوزيتسياسى سول ەلدە قاماۋعا الىنعان ءتورت امەريكالىق ازاماتتىڭ ءىسىن قاراۋسىز قالدىرعان.

بىلتىر جەلتوقسان ايىنداعى ۇسىنىس ترامپ بيلىككە كەلگەننەن بەرى العاش رەت يرانعا جولدانعان تۇتقىنداردى بوساتۋ تۋرالى كەلىسىم ەدى. پرەزيدەنت ترامپ اق ۇيگە كەلگەلى يرانعا قاراتقان ساياساتتى بارىنشا قاتاڭ ۇستاپ، وڭىرلىك قاۋىپسىزدىككە قاتەر ءتوندىرۋشى رەجيم جانە تەررورلىق كۇشتەردى قولداۋشى دەپ ايىپتاپ كەلگەن. ال، ترامپ ۇكىمەتىنىڭ قۇپيا كەلىسىم ارقىلى تۇتقىنداردى الماسۋ ۇسىنىسى جاۋاپسىز قالدىرىلسا، ەكى ەل اراسىنداعى ساياسي شيەلەنىستەر ءتىپتى دە كۇشەيتە تۇسپەك.

“The Qazaq Times”