سۋىق قارۋ ۇستاعان كۇرد سۇلۋى. فوتو: Flickr.

انكارا بيلىگى بولشەكتەۋشى تەررورلىق ۇيىم دەپ ەسەپتەيتىن PKK/PYD نەمەسە YPG قارۋلى توبىن كىمدەردىڭ قارۋلاندىرىپ وتىرعانى تۋرالى تالاس تارتىس كوپ. ءسۇريانىڭ افرين ايماعىنا كىرگەن تۇرىك قارۋلى كۇشتەرىنىڭ ءبىر ساۋىتتى تانكىن كۇرد قارۋلى كۇشتەرى جاعىنان كۇيرەتىلدى. وسىدان كەيىن تۇركيا جاق اتالمىش ۇيىمدارداعى قارۋ-جاراققا ەرىكسىز نازار اۋدارۋىنا تۋرا كەلدى.

بۇعان دەيىن تۇركيا ۇكىمەتى حالىقتىڭ ءوزىن قورعاۋ ارمياسى (YPG) دەپ اتالعان كۇرد قارۋلى جاساقتارىن اقش ۇكىمەتى قارۋ-جاراقپەن قامدايدى دەپ كەلگەن. جاقىندا تۇركيا قارۋلى كۇشتەرى جاريالاعان مالىمەتكە قاراعاندا اتالعان قارۋلى توپ 19 مەملەكەتتەن قارۋ-جاراق الاتىنى ءمالىم بولعان.

تۇركيا تارابى كورسەتكەن 19 ەل دايش ۇيىمىنا قارسى كۇرەسۋشى حالىقارالىق كواليتسيانىڭ مۇشەلەرى. سوندىقتان انكارا بيلىگى اتالعان ۇيىمعا ناقتى قاي ەلدىڭ قارۋ جەتكىزىپ وتىرعان تاپ باسىپ ايتا المايدى.  YPG ۇيىمى دايش-كە قارسى كۇرەستە ءسۇريانىڭ سولتۇستىك ايماقتارىندا ماڭىزدى كۇشتىڭ ءبىرى بولعان. تۇركيا جاقتىڭ مالىمەتىنە قاراعاندا YPG قولىنداعى قارۋلار ستراتەگيالىق جانە تاكتيكالىق قارۋلار بولىپ بولىنەدى. تۇركيا قارۋلى كۇشتەرىنە قارسى ستراتەگيالىق قارۋلاردىڭ جۇمسالىپ جاتقانىن العا تارتتى.

“The Qazaq Times”