فرانتسيا پرەزيدەنتى ەلدىڭ قورعانىس قۋاتىن ەسەلەپ ارتتىرماق

فرانتسيا پرەزيدەنتى ەممانۋەل ماكرون مينيسترلەرىن جيناپ كەڭەس وتكىزدى. جيىندا ەلدىڭ قورعانىسقا بولەتىن قارجىسىن كوبەيتۋ ماسەلەسى تالقىلاندى. 2022 جىلعا دەيىنگى  قورعانىس بيۋدجەتىن بەكىتكەن زاڭ جوباسىندا جىل سايىن 1,7 ملرد ەۋرو ارتتىرىپ وتىرۋ كەرەك دەپ بەلگىلەنگەن. بۇل تۋرالى «People» باسىلىمى حابارلايدى.

قورعانىس بيۋدجەتىن ارتتىرۋ كوبەيتۋ بويىنشا دايىندالعان زاڭ جوباسىندا 2023 جىلعا بارعاندا قورعانىس سالاسىنا بولىنەتىن قاراجاتتى 39,6 ملرد ەۋروعا جەتكىزۋ مىندەتتەلگەن. ماكروننىڭ جازباشا مالىمدەمەسىنە قاراعاندا، بۇل مىندەتتى ورىنداۋ ءۇشىن 2018-2020 جىلدار ارالىعىندا جىل سايىن 1,7 ملرد ەۋرو قوسىلىپ وتىرادى، 2023 جىلعى بيۋدجەتكە 3 ملرد ەۋرو قوسىلىپ 39,6 ملرد ەۋرو كولەمىنە جەتكىزەدى.

ماكروننىڭ جازباشا مالىمەتىندە عالامدىق تۇراقسىزدىقتاردىڭ ارتا ءتۇسىپ، تەرروريزمگە قارسى كۇرەستىڭ جيىلەۋىنە بايلانىستى، مەملەكەتتىڭ قاۋىپسىزدىگىنە كەپىلدىك ەتۋ ءۇشىن قورعانىس سالاسىن ءتىپتى دە بەكەمدەي ءتۇسۋ كەرەك ەكەنى ايتىلعان.

“The Qazaq Times”