بانگلادەش استاناسى داكادا ەل پرەمەر-ءمينيسترى كحالەدا زيا (Khaleda Zia) جەمقورلىق iciمەن سوتتالدى. ەكى رەت سايلانعان پرەمەر-مينيستر كۇنى كەشە سوت احتارۋززاماننىڭ (Md Akhtaruzzaman) 632 بەتتىك ۇكىمىن تىڭداپ، ناتيجەسىندە 5 جىلعا باس بوستاندىعىنان ايىرىلدى، - دەپ حابارلايدى Al Jazeera اقپارات اگەنتتىگى.
جابىق بولمەدە ۇكىم شىعارىلعاننان كەيىن زاڭ جانە پارلامەنت ىستەرى جونىندەگى مينيستر انيسۋل حاك (Anisul Haque) "زاڭ بارىنە ورتاق" دەدى.
ەلدىڭ نەگىزگى وپپوزيتسيالىق وداعى - بانگلادەش ۇلتتىق پارتياسىنىڭ (Bangladesh Nationalist Party (BNP) كوشباسشىسى زيا جانە تاعى 5 ادامعا "Zia Orphanage Trust" قارجىسىن جىمقىرعانى ءۇشىن ايىپ تاعىلدى.
زيانىڭ ۇلكەن ۇلى تاريك راحمان (Tarique Rahman) جانە تاعى 4 ادام دا 10 جىلعا سوتتالدى. جەلتوقساندا وتەتىن سايلاۋدىڭ الدىندا بۇل ەلدەگى ەڭ ۇلكەن ساياسي وقيعا بولدى.
بانگلادەش ۇلتتىق پارتياسىنىڭ ۆيتسە-ءمينيسترى تاريك راحمان 9 جىل ۇلىبريتانيادا تۇرىپ كەلگەن.
پرەزيدەنت زيار راحماننىڭ (Ziaur Rahman) اتىنداعى قايىرىمدىلىق قورعا اۋدارىلعان قارجىدان 21 ملن (252 مىڭ اقش دوللارى) ۇرلاعانى ءۇشىن 6 ادام سوتتالدى.
سونىمەن قاتار زاڭ شىعارۋشى كۋازي ساليمۋل حاك (Quazi Salimul Haq), زيانىڭ حاتشىسى كامال ۋددين سيدديك (Kamal Uddin Siddique), زيانىڭ جيەنى - مومينۋر راحمان (Mominur Rahman ) جانە كاسىپكەر - شارفۋددين احمەت (Sharfuddin Ahmed) تە 10 جىلىن تەمىر توردىڭ ار جاعىندا وتكىزەدى.
72 جاستاعى زياعا شىعارىلعان ۇكىم ونى جالپى سايلاۋدان الىستاتۋ مۇمكىن، سەبەبى ەل كونستيتۋتسياسى بويىنشا، 2 جىلدان ارتىق مەرزىمگە سوتتالعان ادام سايلاۋعا قاتىسا المايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟