6 اقپان كۇنى پاريجدە قالىپتى مولشەردەن الدەقايدا كوپ جاۋعان قار قالاداعى قوزعالىستى ايتارلىقتاي قيىنداتتى، - دەپ حابارلايدى CNN  اقپارات اگەنتتىگى.

پاريجدەگى كولىك كەپتەلىسى رەكوردتى 700 شاقىرىمعا جەتتى.

قالانىڭ ءۇيسىز 1000-عا جۋىق ادامى ۋاقىتشا باسپاناعا ورنالاستىرىلدى. پويىز ستانتسيالارى مەن اۋەجايلاردان دا جۇزدەگەن ادام قالاعا جەتە الماي وتىر.

فرانتسيا مەتەرەولوگيالىق قىزمەتىنىڭ مالىمەتىنشە، 1987 جىلدان بەرى پاريجدە قار وسىنداي كولەمدە العاش رەت جاۋعان. جالپى جاۋعان قار قالىڭدىعى شامامەن 13 سم-ءدى قۇراعان.

قۇتقارۋ قىزمەتتەرى تىنىمسىز جۇمىس ىستەپ جاتىر. قالا بيلىگى قوزعالىستى ودان سايىن قيىنداتپاۋ ءۇشىن ەيفەل مۇناراسىن جاۋىپ (تۋريستەر ءۇشىن), جەرگىلىكتى تۇرعىندارعا اسقان قاجەتتىلىك بولماعان جاعدايدا ۇيلەرىنەن شىقپاۋىن سۇرادى.

“The Qazaq Times”