фото: news.sky.com

6 ақпан күні Парижде қалыпты мөлшерден әлдеқайда көп жауған қар қаладағы қозғалысты айтарлықтай қиындатты, - деп хабарлайды CNN  ақпарат агенттігі.

Париждегі көлік кептелісі рекордты 700 шақырымға жетті.

Қаланың үйсіз 1000-ға жуық адамы уақытша баспанаға орналастырылды. Пойыз станциялары мен әуежайлардан да жүздеген адам қалаға жете алмай отыр.

Франция Метереологиялық қызметінің мәліметінше, 1987 жылдан бері Парижде қар осындай көлемде алғаш рет жауған. Жалпы жауған қар қалыңдығы шамамен 13 см-ді құраған.

Құтқару қызметтері тынымсыз жұмыс істеп жатыр. Қала билігі қозғалысты одан сайын қиындатпау үшін Эйфель мұнарасын жауып (туристер үшін), жергілікті тұрғындарға асқан қажеттілік болмаған жағдайда үйлерінен шықпауын сұрады.

“The Qazaq Times”