يزرايل پارلامەنتىنە ۋكراينادا 1932-1933 جىلدارى بولعان اشارشىلىقتى گەنوتسيد دەپ مويىنداۋعا بايلانىستى زاڭ جوباسى ۇسىنىلدى.

جەرگىلىكتى باق وكىلدەرىنىڭ مالىمەتىنشە، يزرايل پرەلامەنتىنىڭ دەپۋتاتى اكرام حاسون «ۋكراينادا 1932-1933 جىلدارى بولعان اشارشىلىقتى گەنوتسيد دەپ مويىنداپ، 6 جەلتوقساندى اشارشىلىق قۇرباندارىن ەسەك الۋ كۇنى دەپ بەكىتۋگە» بايلانىستى زاڭ جوباسىن ۇسىنعان. ونىڭ بۇنداي قادامدارعا بارۋىنا ۋكرايناعا جاساعان ءىس-ساپارى سەبەپ بولعان. ول 2017 جىلى ۋكرايناعا ساپارى كەزىندە اشارشىلىق قۇرباندارىنا ارنالعان مۇراجايدا بولعان جانە سول ساتتەن باستاپ زاڭ جوباسىن ازىرلەۋگە كىرىسكەن.

ەستەرىڭىزگە سالايىق، 2016 جىلى جوعارعى رادا دەپۋتاتتارى دەموكراتيالىق ەلدەردەن 1932-1933 جىلدارى ۋكراينادا بولعان اشارشىلىقتى گەنوتسيد دەپ مويىنداۋدى سۇراعان. قازىرگى تاڭدا ۋكراينادا بولعان اشارشىلىقتى گەنوتسيد دەپ 24 مەملەكەت مويىنداعان.

“The Qazaq Times”