رەسەي حاكەرلەرى پەنتاگوننىڭ قۇپيا قۇجاتتارىن قولدى ەتتى

رەسەي حاكەرلەرى پەنتاگون قۇپيا بازاسىن بۇزدى – دەپ حابارلايدى ار اقپارات اگەنتتىگى.

اگەنتتىك مالىمەتىنشە، رەسەيلىك «Fancy Bears» حاكەرلەر توبى پەنتاگوننىڭ قۇپيا بازاسىن بۇزعان جانە اقش-تىڭ ستراتەگيالىق ماڭىزى بار زىمىراندارىن، ۇشقىشسىز ۇشاقتارىن باسقاراتىن 87 ادامنىڭ جەكە دەرەكتەرىن ءوز باقىلاۋىنا العان. الدىن الا بولجامدار بويىنشا، رەسەي حاكەرلەرى 87 ادامنىڭ جەكە سەرۆەرلەرىن بۇزۋ ارقىلى Boeing Co, Airbus Group, Lockheed Martin Corp جانە General Atomics كومپانيالارىنىڭ قۇپيا باعدارلامالارىن قولدى ەتكەن.

اقش بارلاۋ قىزمەتى ديرەكتورىنىڭ بۇرىنعى ورىنباسارى چارلز سوۋەللدىڭ سوزىنشە، رەسەي حاكەرلەرى شابۋىلداعان بازادا اقش-تىڭ سوڭعى ۇلگىدەگى تەحنولوگيالارىنىڭ قۇپيا قۇجاتتارى مەن وسى سالادا جۇمىس ىستەيتىن ازاماتتىرىنىڭ جەكە دەرەكتەرى ساقتالعان. ەگەر اتالمىش بازاعا قانداي دا ءبىر قاۋىپ تونەتىن بولسا، وندا ول اقش-تىڭ قورعانىس سالاسىنا وراسان زور شىعىن الىپ كەلەدى.

“The Qazaq Times”