فوتو:

ۇلىبريتانيا پرەمەر-ءمينيسترى تەرەزا مەي (Theresa May) برەكسيتتەن كەيىنگى ۋاقىتقا ساۋدا قارىم-قاتىناسىن نىعايتۋ ماقساتىندا جاقىندا قىتايعا بارىپ كەلدى، دەپ حابارلايدى Al Jazeera اقپارات اگەنتتىگى.

2019 جىلى ەو-دان شىققانعا دەيىن مەي ەكى ەل اراسىندا ەركىن ساۋدا كەلىسىمىنە قول جەتكىزۋدەن ءۇمىتتى.

ۇلتتىق ستاتيستيكا اگەنتتىگىنىڭ مالىمەتىنشە، ۇلىبريتانيا يمپورتىنىڭ تەك 7%-ى عانا قىتايدان كەلسە، ەكسپورتىنىڭ 3,1 %-ى قىتايعا باعىتتالادى.

"China Natixis"-تىڭ باس ەكونوميسى - جيان ۋەيشيۋ (Jianwei Xu): "ەو-دان شىققاننان كەيىن ۇلىبريتانيامەن ءىس جۇرگىزۋ قىتايعا وڭاي سوقپايدى. سەبەبى ۇلىبريتانيا مەن قىتاي اراسىنداعى التىن ءداۋىر ۇلىبريتانيا ەو قۇرامىندا بولعاندا ورناتىلعان بولاتىن. قىتاي ەو-عا ۇلىبريتانيا ارقىلى شىعا المايتىن بولسا، قىتاي ءۇشىن ونىڭ تارتىمدىلىعى دا ازايادى", - دەيدى.

سونداي-اق، ول: "برەكسيتتەن كەيىن ۇلىبريتانياعا كەز كەلگەن ەلمەن نەمەسە ءۇشىنشى جاقپەن كەلىسىمشارت جاساسىپ، ورتاق شەشىمگە كەلۋ ءۇشىن كوپتەگەن پروتسەدۋرالاردان ءوتۋ كەرەك بولاتىنىن ەسكەرسەك، برەكسيت ءىسى بىرجاقتى بولماي تۇرىپ، كوپ جاقتى تاريف سحەمالارىن قاراستىرۋ ەرتەرەك سياقتى. سوندىقتان قازىر قىتاي "ۋاقىت كورسەتەر" دەپ كۇتىپ وتىر" دەگەن پىكىر ايتادى.

“The Qazaq Times”