فوتو: mirbelogorya.ru

2017 جىلدىڭ قاڭتار-قاراشا ايىندا قازاقستانعا 755,7 ملن دوللارعا تەلەفون اپپاراتتارى مەن ۇيالى تەلەفوندار يمپورتتالعان.  

2016 جىلدىڭ سايكەس كەزەڭىمەن سالىستىرعاندا كورسەتكىش  (528,9 ملن دوللار)  42,9%-عا وسكەن.

يمپورتتالعان تاۋرالاردىڭ ەڭ كوپ بولىگى قىتايدىكى. اتالعان ەل قازاقستانعا جەتى اي ىشىندە 413,7 ملن دوللارعا ۇيالى بايلانىس قۇرىلعىلارىن ساتقان جانە بۇل 2016 جىلعا قاراعاندا 54,3%-عا جوعارى.

ال ۆەتنامنان  اكەلىنگەن تاۋار قۇنى 184,1 ملن دوللار (34,1%-عا ارتىق). رەسەي 50 ملن دوللارعا تەلەفون قۇرالدارىن جەتكىزگەن (55,5%-عا ارتىق). مالايزيادان 13,8 ملن دوللارعا (88,1%-عا ارتىق) ، اقش-تان 16,7 ملن دوللارعا (2,1 ەسە جوعارى), گەرمانيادان 4,3 ملن دوللارعا (3,6 ەسەگە ارتىق)  تەلەفون قۇرىلعىلارى جەتكىزىلگەن.

بۇدان بولەك،  قازاقستانعا نيدەرلاندى 6,5 ملن دوللارعا، ەستونيا 5 ملن دوللارعا، وڭتۇستىك كورەيا 3,9 ملن دوللارعا قۇرىلعىلار ساتقان.

ايتا كەتەيىك، قازىرگى كەزدە مۇنداي مەتالل قۇرالداردىڭ كوبەيۋى كەز كەلگەن ەلگە زيان كەلتىرەدى. ال ونى يگەرۋدىڭ امالى - قايتا وڭدەۋگە جىبەرۋ. ال قازاقستان سياقتى دامۋشى ەلدەردە مەتالل ونىمدەردى قايتا وڭدەۋ ورىندارى تاپشى.

“The Qazaq Times”