وڭتۇستىك افريكا رەسپۋبليكاسىندا شاحتادا قالىپ كەتكەن مىڭعا جۋىق شاحتەردى قۇتقارۋ وپەراتسياسى سوڭىنا جەتتى. جارىقسىز جانە جەر استىنا قاراي ءبىر شاقىرىم تەرەڭدىكتەگى شاحتادا قامالىپ قالعان 955 شاحتەر جەر بەتىنە شىقتى. بۇل تۋرالى BBC سايتى حابارلادى.

وڭتۇستىك افريكا ەلىندەگى «بەاتريكس» كەنى ەلەكتر قۋاتىنسىز قالعان، بۇعان سول وڭىردە سوققان قاتتى جەل سەبەپ بولعان. تەرەڭدىگى 1000 مەتردەن اساتىن شاحتاعا ورناتىلعان ليفت توقتاپ، جۇمىسشىلار ەكى كۇن بويى تاس قاراڭعى شاحتادا قالامىپ قالعان. جەرگىلىكتى باق-تىڭ حابارىنا قاراعاندا جۇما كۇنى تۇستە قۇتقارۋشىلار ءليفتتى ىسكە قوسىپ، شاحتەرلەردى شىعارىپ العان. شاحتاعا جاۋاپتى كومپانيانىڭ ەشكىم دە زارداپ شەككەن جوق دەگەن مالىمەت بەرگەن.

وڭتۇستىك افريكا الەمدەگى ەڭ ءىرى التىن ەكسپورتتاۋشى بولىپ تابىلادى. بىراق ەلدىڭ التىن ءوندىرىسى تاراۋى كوپتەگەن قاندى وقيعاعا تولى. بىلتىر عانا ءبىر التىن كەنىندەگى تەحنيكالىق اقاۋدىڭ سالدارىنان 80-نەن استام شاحتەر مەرت بولعان ەدى.

“The Qazaq Times”