كاتار پارسى شىعاناعى ەلدەرىمەن كەزدەسۋگە دايىن

كاتار پارسى شىعاناعى ەلدەرىنىڭ ىنتىماقتاستىعى كەڭەسىنىڭ اقش-پەن بىرلەسكەن سامميتىنە قاتىسۋعا دايىن ەكەنىن جەتكىزدى.  بۇل تۋرالى ارنايى مالىمدەمە جاساعان كاتاردىڭ سىرتقى ىستەر ءمينيسترى پارسى شىعاناعى ەلدەرىنىڭ كەلىسسوزدەرگە اشىقتىعىنا ءۇمىت ارتتى. اقش-تىڭ كاسىپكەرلىك ينستيتۋتىنداعى سويلەگەن سوزىندە شەيح مۇحاممەد بين ابدۋلراحمان ءال-تاني دە اراب مەملەكەتتەرىمەن كاتار اراسىنداعى ماسەلەنى تالقىلاۋ تەڭدىك قاعيداسىنا سۇيەنىپ جۇرگىزىلۋى كەرەكتىگىنە توقتالدى. 

پارسى شىعاناعى ەلدەرىنىڭ ىنتىماقتاستىق كەڭەسى - اراب جارتىتۇبەگىنىڭ التى مەملەكەتىنىڭ باسىن قوساتىن ەكونوميكالىق جانە ساياسي وداق. كەڭەستىڭ قاتارىنا باحرەين، كۋۆەيت، ومان، كاتار، ساۋد ارابياسى مەن بىرىككەن اراب امىرلىكتەرى كىرەدى. اقش پەن پارسى شىعاناعى ەلدەرىنىڭ ىنتىماقتاستىق كەڭەسىنىڭ سوڭعى وتىرىسى 2017 جىلدىڭ مامىر ايىندا ءوتتى. وتكەن جىلدىڭ ماۋسىم ايىندا ساۋد ارابياسى، بىرىككەن اراب امىرلىكتەرى، باحرەين، ەگيپەت كاتاردى "تەرروريزمدى قولدادى"دەپ ايىپتاپ، ونىمەن ديپلوماتيالىق قارىم-قاتىناستارىن ۇزگەن بولاتىن.

بۇۇ-نىڭ ادام قۇقىقتارى جونىندەگى كوميسسياسى جۋىردا جاريالاعان بايانداماسىندا اراب مەملەكەتتەرىنىڭ كاتارعا تاققان ايىپتارىن "نەگىزسىز" دەپ تاپتى. كوميسسيا قىزمەتكەرلەرى 2017 جىلدىڭ قاراشاسىندا كاتارعا ارنايى كەلىپ، 20 ۇكىمەتتىك، 40 ۇكىمەتتىك ەمەس ۇيىمداردىڭ وكىلدەرىمەن كەزدەسىپ، سۇحبات جۇرگىزگەن. ديپلوماتيالىق داعدارىستان بۇرىن، كاتار حالقى وزگە اراب مەملەكەتتەرىنە ەركىن ساياحاتتاپ، "مەملەكەتارالىق نەكەلەر" كوپ قۇرىلعان. قازىر كاتارعا ورناتىلعان بلوكادا بارىنەن دە تۋىستارى شەتەلدە قالعان ازاماتتارعا اسەرىن تيگىزىپ وتىر.

 “The Qazaq Times”