فرج باسشىسى اۋىسادى

اقش سەناتىنىڭ بانك جونىندەگى كوميتەتى جەروم پاۋەلدى (دجەروم پاۋەلل) فەدەرالدى رەزەرۆ جۇيەسىنىڭ توراعاسى رەتىندە تاعايىنداۋ تۋرالى شەشىمدى ماقۇلدادى. بۇل تۋرالى Bloomberg اگەنتتىگى حابارلادى. 

قازىرگى كەزدە جەروم پاۋەلل فرج-نىڭ باسقارۋشى كەڭەسىنىڭ قۇرامىنا كىرەدى. ونىڭ كانديداتۋراسىن اقش پرەزيدەنتى دونالد ترامپ ۇسىنعان.

اقپارات بويىنشا ونىڭ فرج-نى باسقارۋ جۇمىسى اقپان ايىندا، ياعني قازىرگى توراعا دجانەت يەللەننىڭ وكىلەتتىگى اياقتالعاننان كەيىن باستالادى. دەرەككوزدەردىڭ بولجاۋىنشا، پاۋەلل دە بازالىق مولشەرلەمەنى كوتەرۋ جانە فرج بالانسىن قىسقارتۋ ساياساتىن ودان ارى جالعاستىرادى.

64 جاسقا كەلگەن جەروم پاۋەلل - رەسپۋبليكالىق پارتيا مۇشەسى. زاڭگەر ءبىلىمىن العان، قىزمەتىن نيۋ-يوركتەگى زاڭ فيرمالارىنىڭ بىرىندە باستاعان. كەيىن Dillon, Read & Co. بانكتەرىندە، قارجى مينيسترلىگىندە،  Carlyle Group ينۆەستيتسيالىق بانكىندە جۇمىس ىستەيدى. 2012 جىلى فرج ديرەكتورلار كەڭەسىنىڭ قۇرامىنا كىردى.

“The Qazaq Times”