اقش-تا تۇڭعىش رەت قازاق كوميكستارى ساتىلىمعا شىقتى – دەپ حابارلايدى Forbes Kazahstan جۋرنالى.

باسىلىم مالىمەتىنشە، الماتىلىق ماديبەك مۇسابەكوۆ پەن بەكزات مىرزاحمەت «Ermەك the Batyr» (ەرمەك باتىر) كوميكسىن Amazon ساۋدا پلاتفورماسى ارقىلى اقش نارىعىنا ساتىلىمعا شىعارعان. قازاق ەرتەگىلەرى مەن اڭىزدارى نەگىزىندە قۇراستىرىلعان «ەرمەك باتىر» كوميكسىنىڭ قۇنى - 1,99 دوللار. ماديبەك پەن بەكزات اتالمىش كوميكستى شىعارۋ ءۇشىن ەڭ ءبىرىنشى "Tengri Comics" باسپاحاناسىن اشقان. ولار ءوز بيزنەستەرىن 3,5 ميلليون تەڭگەمەن باستاعان. قازىرگى تاڭدا 1000 بەتتىك كوميكستەر جيناعى جازىلىپ بىتكەن. ەندى ولاردى ءتيىستى سۋرەتتەرمەن بەزەندىرۋ عانا قالعان.  «ەرمەك باتىر» كوميكسىنىڭ جانرى تاريحي فانتاستيكا. وندا قازاق باتىرلارىنان باستاپ، حاندارىنا دەيىنگى ارالىقتاعى تاريحي تۇلعالار جاڭا بەينەدە كورسەتىلگەن.

ايتا كەتەتىن ءبىر جايت، الماتىلىق جاس بيزنەسمەندەر ءوز تۋىندىلارىن Amazon ساۋدا پلاتفورماسىنا جاريالاماس بۇرىن، الماتى قالاسىنىڭ مادەنيەت باسقارماسىنان كوميكستەر جيناعىن جارىققا شىعارۋعا كومەك سۇراعان. بىراق مادەنيەت باسقارماسى ولاردىڭ بۇل وتىنىشىنە ەشقانداي جاۋاپ قايتارماعان.

“The Qazaq Times”