تايۋان-اقش قارىم-قاتىناسى. فوتو: South China Morning Post.

جاقىندا اقش مەملەكەتتىك دەپارتامەنتى قاراماعىنداعى «اقش مەملەكەتتىك ۆەب-سايتىنان» قۇراما شتاتتىڭ سەرىكتەسى قاتارىنداعى تايۋاننىڭ (تايۆان) تۋى (بۇرىنعى قىتاي رەسپۋبليكاسى/中华民国/ Republic of China) الىنىپ تاستالدى. تايۋان ۇكىمەتى بۇل ماسەلەگە بايلانىستى ناقتى تۇسىنىك بەرمەگەن. اقش مەملەكەتتىك دەپارتامەنتىنىڭ وكىلى حيزەر ناۋەرت (Heather Nauert) مالىمدەمەسىندە، اقش-تىڭ تايۋانعا دەگەن پوزيتسياسىنىڭ وزگەرمەگەنىن ايتقان. بۇل تۋرالى «Voachinese» باسىلىمى حابارلادى.

حيزەر ناۋەرت ۋاشينگتونداعى شەتەلدىك جۋرناليستەر ورتالىعىندا مالىمدەمە جاساعان كەزدە، جۋرناليستەر اتالعان رەسمي سايتتان «تايۋان تۋىنىڭ الىنىپ تاستالۋى تەحنيكالىق ماسەلە مە، الدە ساياسي شەشىم بە، تەحنيكالىق سەبەپتەردەن بولسا قاشان قالپىنا كەلتىرىلەدى؟» دەگەن سۇراقتاردى قويدى. حيزەر ناۋەرت بۇل سۇراقتارعا تىكەلەي جاۋاپ قايتارمادى. الايدا، قۇراما شتاتتىڭ ءۇش بىرلەسكەن كومميۋنيكەگە نەگىزدەلگەن «تايۋان جونىندەگى ساياساتتىڭ» وزگەرىسسىز قالعانىن ايتتى.

ناۋەرتتىڭ سوزىندە: «قۇراما شتات تايۋاندى ءوزىنىڭ ماڭىزدى سەرىكتەسى دەپ سانايدى. تايۋان دەموكراتيانىڭ تابىسى ءارى  الەمنىڭ وڭ باعىتتاعى كۇشتەرىنىڭ ءبىرى. وسى نەگىزدە-تىڭ اقش-تىڭ تايۋانمەن قۇندىلىقتارى ورتاقتاسادى، وعان قولداۋ مەن كومەكتى توقتاتپايدى»، – دەدى.

تايۋاننىڭ DPP جانە KMT (حالىقتىق دەموكراتيالىق پارتيا/民进党min jin dang جانە ۇلتتىق پارتياسى/国民党/guo min dang) قاتارلى پارتيالارى ۇكىمەتتەرىنەن اقش-تىڭ تايۋان ساياساتى بويىنشا جانە ەلدەرىنىڭ تۋى اقش رەسمي سايتىنان الىنىپ تاستالۋىنىڭ فاكتورلارى تۋرالى تۇسىنىك بەرۋىن تالاپ ەتتى.

ەكى كۇن بۇرىن تايۋاننىڭ قۇراما شتاتتاعى وكىلدەرىنىڭ ءبىرى اتالعان ماسەلە تۋرالى مالىمدەمە جاساپ، اقش-تايۋان قاتىناسى تۇراقتى دامۋ ۇردىسىندە ەكەنىن، تاراپتاردا بايلانىس ارنالارىنىڭ دا تىعىز بايلانىستا ەكەنىن ايتقان. مالىمدەمەدە تايۋان وكىلى كوپ جاقتى ارنالارى ارقىلى اقش مەملەكەتتىك دەپارتامەنتىنەن ماسەلەنى ءبىر جاقتى ەتۋدى تالاپ ەتكەندەرىن جەتكىزگەن.

“The Qazaq Times”