تۇركيا ءسۇريا اۋماعىنداعى اسكەري وپەراتسيالارىنىڭ اۋقىمىن كەڭەيتەدى – دەپ حابارلايدى Anadolu اقپارات اگەنتتىگى.

تۇركيا پرەزيدەنتى رەجەپ تايىپ ەردوعان انكارا قالاسىنىڭ باسشىلىعىمەن كەزدەسۋىندە سۇرياداعى اسكەري وپەراتسيا جونىندە ءسوز سويلەگەن. وندا ول: «ءبىز تۇركيا شەكاراسىنىڭ بويىنداعى جەرلەردىڭ بارلىعىن تەررورلىق توپتاردان تازارتامىز جانە تۇركيا اۋماعىنداعى 3,5 ميلليون سۇريالىققا لايىقتى ءومىر سۇرۋگە جاعداي جاسايمىز. ءبىز بۇنداي قادامدارعا ءوز قاۋىپسىزدىگىمىزدى قامتاماسىز ەتۋ ءۇشىن عانا ەمەس، بوسقىندارعا تىنىش ءومىر سىيلاۋ ءۇشىن دە بارىپ وتىرمىز» -دەگەن.

ەستەرىڭىزگە سالايىق، بۇعان دەيىن رەجەپ تايىپ ەردوعان: «اقش-تىڭ ءسۇريانىڭ سولتۇستىگىندە كۇردتەرمەن بىرىگىپ اسكەري كواليتسيا قۇرۋى تۇركيانىڭ تۇراقتىلىعىنا قاۋىپ توندىرەدى. ءبىزدىڭ ماقساتىمىز - اتالمىش اسكەري كواليتسيانىڭ كوزىن جويۋ» - دەپ مالىمدەگەن بولاتىن.

“The Qazaq Times”