لوندون ورتالىعىندا تابيعي گاز اعۋىنا بايلانىستى تۇرعىندار ەۆاكۋاتسيالاندى

لوندونداعى  توتەنشە جاعدايلار دەپارتامەنتى تاراتقان مالىمەتكە قاراعاندا، قالانىڭ ورتالىق بولەگىندە كوپ مولشەردە تابيعي گازدىڭ توگىلۋىنە بايلانىستى، سول ماڭداعى قىزمەتكەرلەردى ەۆاكۋاتسيالاۋعا جانە ەكى مەترو بەكەتىن جابۋعا تۋرا كەلگەن. بۇل تۋرالى «WSJ» باسىلىمى حابارلادى.

لوندونداعى Craven داڭعىلىندا تابيعي گازدىڭ اعىپ كەتۋىنە بايلانىستى ۇكىمەت Charing Cross جانە Waterloo East قاتارلى ەكى مەتو بەكەتىن جاۋىپ، ماڭىنداعى قوناق ءۇي مەن تۇنگى كلۋبتان شامامەن 1450 ادامدى ەۆاكۋاتسيالاعان. توتەنشە جاعدايلار قىزمەتىنىڭ مالىمەتىنشە، ءورت سوندىرۋشىلەر اۋادا تابيعي گازدىڭ جوعارى كونتسەنتراتسياسى بار ەكەنىن انىقتاۋ ءۇشىن دەتەكتورلاۋ قۇرالدارىن پايدالانۋدا.

ەلدەگى اقپارات كوزدەرىنىڭ مالىمەتىنە قاراعاندا، جابىلعان مەترو ستانسالار توتەنشە جاعداي قىزمەتى جاعىنان قاۋىپسىزدىگىن راستالعاننان كەيىن مۇمكىندىگىنشە تەزىرەك قايتا ىسكە قوسىلۋى مۇمكىن.

“The Qazaq Times”