دانيا رەسەي گازىنا توسقاۋىل قويدى. فوتو: The Copenhagen Post.

دانيا پارلامەنتى جاڭا زاڭ جوباسىن ماقۇلداپ، رەسەي گازىن گەرمانياعا جەتكىزەتىن «سولتۇستىك جەلى-2» گاز قۇبىرىنىڭ ەلىنەن وتۋىنە توسقاۋىل قويدى. بۇل تۋرالى «انادولى» اقپاراتتىق اگەنتتىگىنىڭ رەسمي سايتى جازدى.

دانيا ۇكىمەتى ەل تەرريتورياسىنان وتەتىن رەسەي گازىنا توسقاۋىل قويۋ ماقساتىندا، قۇبىرلاردىڭ زاڭدىق تالاپتار، سىرتقى ساياسات پەن ۇلتتىق قاۋىپسىزدىككە ساي بولۋىن قاداعالايتىن جاڭا زاڭ جوباسىن دايىنداعان. ەل پارلامەنتى بەكىتكەن زاڭدا رەسەي گازىن تاسىمالدايىن قۇبىردىڭ ەل قاۋىپسىزدىگى مەن زاڭ تالاپتارىنا سايكەستىگىن قايتا قاراۋعا مۇمكىندىك بەرگەن. بۇل قىزمەتتى سىرتقى ىستەر مينيسترلىگىنە قاراستى ۇلتتىق قاۋىپسىزدىك اگەنتتىگى اتقاراتىن بولادى.

دانيا مەن شۆەتسيا گاز تاسىمالدايتىن قۇبىردى ەلدەرىنەن وتكىزۋ كەلىسىمىنە قول قويۋدان بۇرىن دا، ەو كوميسسياسىنان بۇل جوبانى ماقۇلداماۋدى تالاپ ەتكەن بولاتىن.

“The Qazaq Times”