يران پرەزيدەنتى حاسان رۋحاني بارلىق الەۋمەتتىك ماسەلەلەردى شەشەتىنىن ايتتى – دەپ حابارلايدى Associated Press اقپارات اگەنتتىگى.

اگەنتتىك مالىمەتىنشە، حاسان رۋحاني جەلتوقسان ايىندا بولعان حالىقتىق تولقۋلاردان كەيىن جەرگىلىكتى تەلەارنالاردىڭ بىرىنە سۇحبات بەرگەن. وندا ول: «يران ۇكىمەتى ەلدەگى بارلىق الەۋمەتتىك-ەكونوميكالىق ماسەلەلەردى حالىقپەن بىرلەسە وتىرىپ شەشۋگە قاۋقارلى. مەن الداعى ۋاقىتتا يران حالقىنىڭ كەز كەلگەن سايتتى، الەۋمەتتىك جەلىنى كەدەرگىسىز پايدالانۋىنا جاعداي جاساۋعا تىرىسامىن» - دەگەن. حاسان رۋحانيدەن بولەك، يراننىڭ رۋحاني كوسەمى اياتوللا حامەنەي الەۋمەتتىك تولقۋلار اياقتالعاننان كەيىن ەكى اپتادان سوڭ «يسلام رەۆوليۋتسياسى ساقشىلارىنان» ءوزىنىڭ بيزنەسكە ارالاسۋ وكىلەتتىگىن ازايتۋدى سۇراعان.

ەستەرىڭىزگە سالايىق، يراندا الەۋمەتتىك تولقۋلار 2017 جىلدىڭ 28 جەلتوقسانىندا باستالىپ، بىرنەشە كۇنگە سوزىلعان بولاتىن. اتالمىش الەۋمەتتىك تولقۋلاردا يران حالقى بيلىكتى ءسۇريا مەن يراكتاعى تەررورلىق ۇيىمدارمەن ەمەس ەلدەگى قىمباتشىلىقپەن كۇرەسۋگە شاقىرعان.

“The Qazaq Times”