تۇركيانىڭ اسكەري ۇشاقتارى. فوتو: Anadoly7.

تۇركيالىق باق-تىڭ حابارلاۋىنا قاراعاندا، ەلدىڭ اسكەري اۋە كۇشتەرى كەشە يراكتىڭ سولتۇستىگىندەگى زاپ ايماعىنا اۋە شابۋىلىن جاساعان. تۇركيا ااك-ءنىڭ بەرگەن مالىمەتىنە قاراعاندا سول وڭىردە كۇرد قارۋلى كۇشتەرىنىڭ تارماقتارى شەكارا بەكەتتەرىنە شابۋىل جاساماق بولعان. بۇل تۋرالى «انادولى» اقپاراتتىق اگەنتتىگى حابارلادى.

تۇركيا قارۋلى كۇشتەرىنىڭ مالىمەتىنە قاراعاندا، اۋە شابۋىلىن ورىنداعان ەكى شابۋىلداۋشى ۇشاق، انكارا بيلىگى بولشەكتەۋشى تەررورلىق ۇيىم دەپ تانىعان PKK ۇيىمىنىڭ بازالارىن، تۇراقتارىن تالقانداپ، اۋە بازاسىنا قايتىپ ورالعانى ايتىلعان.

سۇرياداعى جانە يراكتاعى وزدەرىن «يسلام مەملەكەتى» دەپ اتاعان تەررورلىق ۇيىمعا قارسى كۇرەس كەزىندە، اقش  كۇرد قارۋلى جاساعىنان قۇرالعان PKK ۇيىمىنا قولداۋ كورسەتكەن. الايدا، تۇركيا جاق بۇل ۇيىمدى ەلىندەگى تيىم سالىنعان كۇردتەردىڭ پارتياسىمەن بايلانىستاعى بولشەكتەۋشى تەررورلىق ۇيىم دەپ تانىعان.

“The Qazaq Times”