اقش پرەزيدەنتىنىڭ ەكس-ءباسپاسوز حاتشىسى مۇسىلمان دەپ «جازىلۋعا» دايىن

اقش پرەزيدەنتىنىڭ ەكس-ءباسپاسوز حاتشىسى مادلەن ولبرايت مۇسىلمان دەپ «جازىلۋعا» دايىن ەكەندىگىن جەتكىزدى. ول ترامپتىڭ ميگرانتتارعا قاتىستى قاتال جارلىعى ەلدەگى ىنتىماقتاستىقتى بۇزادى دەپ وتىر.

سارسەنبى كۇنى دونالد ترامپ اقش-مەكسيكا شەكاراسىنا قورعان تۇرعىزۋ تۋرالى قۇجاتتارعا قول قويدى. سونىمەن قاتار، زاڭسىز ميگرانتتار مەن سىرتتان كەلەتىن قىلمىسكەرلەرمەن كۇرەسۋ كەرەك دەگەندى العا تارتىپ، تالاپتى كۇشەيتكەن بولاتىن. وعان قوسا، پرەزيدەنت مۇسىلمان  بوسقىندارىنا قارسى جارلىققا قول قويعان.

مادلەن ولبرايتتىڭ twitter پاراقشاسىنان

«بوستاندىق» ەسكەرتكىشىندە مايدا قارىپتەر جوق. امەريكا كەز كەلگەن ادام ءۇشىن  (تىلىنە، دىنىنە، دىلىنە، ناسىلىنە قاراماستان) اشىق ەل بولۋى كەرەك»، – دەيدى ولبرايت ءوزىنىڭ Twitter پاراقشاسىندا. ونىڭ ايتىپ وتىرعان نيۋ-يوركتەگى «بوستاندىق» ەسكەرتكىشى ۇزاق جىلدار بويى اقش-قا كىرەتىن باستى يمميگراتسيالىق پۋنكت بولىپ كەلگەن.

مادلەن ولبرايتتىڭ twitter پاراقشاسىنان

«مەن كاتوليگتىك وتباسىدا دۇنيەگە كەلدىم، سوسىن ەپيسكوپ بولدىم (شىركەۋدە), كەيىن وتباسىمنىڭ ەۆرەيلىكتەر ەكەنىن ءبىلدىم. ال قازىر مەن ىنتىماقتاستىقتى ساقتاپ قالۋ ءۇشىن مۇسىلمان رەتىندە «تىركەلۋگە» دايىنمىن»، – دەپ 70 جاستاعى مەملەكەتتىڭ ەكس-ءباسپاسوز حاتشىسى ءوزىنىڭ جازباسىن اياقتادى.

مادلەن ولبرايت – بيلل كلينتوننىڭ بيلىك كەزىندە 1997-2001 جىلدار ارالىعىندا مەملەكەت ءباسپاسوز حاتشىسى بولعان. ول اقش-تا اتالمىش لاۋازىمعا قول جەتكىزگەن ءبىرىنشى ايەل بولاتىن.

"The Qazaq Times"