سەربيا مەن چەرنوگوريا ەو قۇرامىنا كىرۋى مۇمكىن

سەربيا مەن چەرنوگوريا 2025 جىلعا قاراي ەۋروپالىق ەلدەر قاتارىنا كىرۋى مۇمكىن. ەۋورپالىق وداق الداعى ۋاقىتتا باتىس بالقاندا ورنالاسقان التى ەلدى وداق قۇرامىنا كىرگىزۋدى جىلدامداتۋعا باعىتتالعان جۇمىسىن باستاماق. بۇل تۋرالى vestifinance.ru سايتى حابارلادى.

بەرلين قابىرعاسى قۇلاعاننان كەيىن ەۋرووداقتىڭ شىعىسقا قاراي كەڭەيە تۇسكەنىن ايتقان ەۋروكوميسسار يوحاننەس حان: "1989 جىلعى  جۇمىستى اياقتايتىن ۋاقىت كەلدى. سەربيا مەن چەرنوگوريانى قوسۋ ماقساتاندا 2025 جىلدى بەلگىلەدىك، بۇل ناقتى ماقسات",  - دەدى.

البانيا، بوسنيا، كوسوۆو، ماكەدونيا، چەرنوگوريا جانە سەربيا ەۋروپالىق وداققا قوسىلۋعا ۇمىتتەنگەنمەن، سوڭعى جىلدارى ول ۇمىتتەرىنەن بىرتىندەپ باس تارتا باستاعان. ويتكەنى ەۋروپالىق وداق ساياساتكەرلەر ءوز ەلدەرىندە  ەۋروسكەپتيزمگە تاپ بولىپ، وداقتاعى قارجى داعدارىسى كۇشەيە تۇسكەن. ءتىپتى ۇلىبريتانيانىڭ وداقتان شىعۋ تۋرالى شەشىمى جوعارىدا اتالعان ەلدەردىڭ قىزىعۋشىلىعىن تومەندەتكەن بولۋى مۇمكىن.

دەگەنمەن رەسەيدەگى گەوساياسي جاعدايلاردىڭ ىقپالى، تۇركيانىڭ اۆتوريتارلى باسقارۋعا وتە باستاۋى، ۇلىبريتانيانىڭ ەو-دان شىعاتىنى تۋرالى شەشىمىنەن كەيىن وداقتىڭ ەۋورپالىق ينتەگراتسيانى كۇشەيتە ءتۇسۋى بالقان ەلدەرىنە جاڭا مۇمكىندىك بەرىپ وتىر.

بۇدان بولەك، حان ەو-عا مۇشە بولۋ سىبايلاس جەمقورلىققا، ۇيىمداسقان قىلمىسقا جانە ايماقتاعى اۆتوريتاريزمگە قارسى كۇرەستىڭ ەڭ ۇتىمدى جولى ەكەنىن ايتادى.

“The Qazaq Times”