رەسەي اسكەرى تۇرىك ارمياسىنىڭ شابۋىلىنان كەرى شەگىنگەن جوق – دەپ مالىمدەدى رف-نىڭ سىرتقى ىستەر ءمينيسترى سەرگەي لاۆروۆ.

سەرگەي لاۆروۆ قاڭتار ايىنىڭ 18-ءى كۇنى نيۋ-يورك قالاسىندا وتكەن بۇۇ-نىڭ قاۋىپسىزدىك كەڭەسىندە جۋرناليستەر الدىندا ءسوز سويلەگەن. وندا ول تىلشىلەردىڭ «رەسەي اسكەرى ءسۇريانىڭ افرين ايماعىن تۇرىك ارمياسىنا بوساتىپ بەردى مە؟» دەگەن سۇراعىنا: «رەسەي اسكەرى تۇرىك ارمياسىنىڭ شابۋىلىنان كەرى شەگىنگەن جوق. سىزدەر تاراتقان اقپارات كەيىننەن جوققا شىعارىلدى. رەسەي اسكەرى ءالى دە افرين اۋماعىندا» - دەپ جاۋاپ بەرگەن.

ەستەرىڭىزگە سالايىق، بۇعان دەيىن تۇركيانىڭ Anadolu اقپارات اگەنتتىگى «رەسەي اسكەرى ءسۇريانىڭ افرين اۋماعىن تۇرىك ارمياسىنا بوساتىپ بەردى» دەگەن اقپارات تاراتقان بولاتىن.

“The Qazaq Times”