قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ايگۇل شايىموۆا اگەنتتىك قىزمەتكەرلەرىنىڭ قانشا جالاقى الاتىنى تۋرالى ايتتى.
"قازىرگى ۋاقىتتا بىزدە 158 مىڭ تەڭگە - ەڭ تومەنگى جالاقى، ماكسيمۋم - 400 مىڭ تەڭگە شاماسىندا", - دەدى ول استاناداعى ورتالىق كوممۋنيكاتسيالار قىزمەتىندە وتكەن بريفينگتە.
ونىڭ سوزىنشە، اگەنتتىك مەملەكەتتىك قىزمەتكەرلەردىڭ جالاقىسىن تولەۋ ءۇشىن جاڭا تولەم جۇيەسىن ەنگىزۋ جونىندەگى پيلوتتىق جوباعا قاتىساتىن بولادى. جاڭا جوبا بويىنشا وڭىرلەر مەن ورتالىقتا جۇمىس ىستەيتىن مەملەكەتتىك قىزمەتكەرلەردىڭ جالاقىلارى اراسىنداعى ايىرماشىلىق 10 پايىزعا دەيىن تومەندەپ، ورتاشا ايلىق جالاقى ەكى ەسە ارتۋى مۇمكىن.
"مىسالى وبلىستا تومەنگى لاۋازىمدا جۇمىس ىستەيتىندەردىڭ جالاقىسى 62 مىڭ تەڭگەدەن 117 مىڭ تەڭگەگە دەيىن كوتەرىلەدى. بۇل وبلىس اكىمدىگىندەگى جەتەكشى ماماندارعا قاتىستى. ال ورتالىقتاعى جالاقى 84 مىڭ تەڭگەدەن 136 مىڭ تەڭگەگە دەيىن جوعارىلايدى", - دەدى ول.
بۇدان بولەك، جاڭا جۇيە بويىنشا مەرەكە كۇندەرى بەرىلەتىن سىياقىنى الماستىراتىن بونۋس قورى قۇرىلادى. بۇل بويىنشا جىلىنا ءبىر رەت ءتورت ايلىق جالاقى كولەمىندەگى بونۋس تولەمدەرى ەنگىزىلەدى. الايدا بونۋستار تەك ءتيىمدى جۇمىس ىستەگەن مەمقىزمەتكەرلەرگە عانا بەرىلەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى