تۇركيا پرەزيدەنتى رەجەپ تايىپ ەردوعان قازاقستانعا رەسمي ءىس-ساپارمەن كەلەتىن بولدى – دەپ حابارلايدى اقوردا ءباسپاسوز قىزمەتى.

اقوردا تاراتقان اقپارات بويىنشا، تۇركيا باسشىسى رەجەپ تايىپ ەردوعان نۇرسۇلتان نازارباەۆپەن تەلەفون ارقىلى سويلەسۋ بارىسىندا قىركۇيەك ايىندا قازاقستانعا رەسمي ءىس-ساپارمەن كەلىپ، استانا قالاسىندا وتەتىن يسلام ىنتىماقتاستىعى ۇيىمىنىڭ سامميتىنە قاتىسۋعا نيەتتى ەكەندىگىن جەتكىزگەن. بۇدان بولەك ەكى ەل باسشىلارى سويلەسۋ بارىسىندا قازاقستان مەن تۇركيا اراسىنداعى ارىپتەستىكتى دامىتۋ مەن بىرقاتار حالىقارالىق ماسەلەلەردى تالقىلاعان.

ەستەرىڭىزگە سالايىق، بۇعان دەيىن 16 قاڭتار كۇنى نۇرسۇلتان نازارباەۆ ۋاشينگتوندا اقش پرەزيدەنتى دونالد ترامپپەن كەزدەسكەن بولاتىن. وندا نازارباەۆ پەن ترامپ اۋعانستان جانە ورتالىق ازياداعى قاۋىپسىزدىك ماسەلەلەرى مەن ەكى ەل اراسىنداعى ارىپتەستىك جونىندە كەلىسسوزدەر جۇرگىزگەن.

“The Qazaq Times”