ناتو: قىتاي مەن رەسەيدە يادرولىق قارۋ تۇرعاندا ءبىز ودان باس تارتپايمىز

شۆەتسيانىڭ ورتالىق قالاسىندا «حالىقارالىق قاۋىپسىزدىك ستراتەگياسىن» تاقىرىپ ەتكەن كونفەرەنتسيا ءوتتى. كونفەرەنتسياعا الەم ەلدەرىنىڭ جانە قاۋىپسىزدىك ۇيىمدارىنىڭ وكىلدەرى قاتىستى. جينالىستا ءسوز سويلەگەن ناتو وكىلى يادرولىق قارۋدان باس تارتا المايتىنىن ايتتى. بۇل تۋرالى «People» باسىلىمى حابارلادى.

اتالعان كونفەرەنتسيادا ءسوز سويلەگەن ناتو ۇيىمىنىڭ باس حاتشىسى يەنس ستولتەنبەرگ «يادرولىق قارۋسىز الەم» باستاماسىن قولدايتىنىن، الايدا بۇل ويدىڭ جۇزەگە اسۋى مۇمكىن ەمەس ەكەنىن ايتتى. ول سوزىندە: «رەسەي، قىتاي جانە سولتۇستىك كورەيادا يادرولىق قارۋ بار كەزدە ناتو يادرولىق قارۋىنان باس تارتا المايدى. ولاي ىستەۋ الەمدى ءتىپتى دە ورنىقسىز كۇيگە تۇسىرەدى. ءبىز الەمنىڭ تەڭگەرىمىن ۇستاپ تۇرۋىمىز كەرەك. سوندىقتان ناتو بۇۇ باس اسسامبلەياسىنىڭ بۇل شەشىمىن قولداي المايدى»، – دەدى.

يادرولىق قارۋعا تىيىم سالۋ باستاماسىنا حالىقارالىق قاۋىمداستىقتا تەك يادرولىق قارۋى بار ەلدەر عانا قارسى تۇرىپ، 122 مەملەكەت قولداۋ كورسەتكەن بولاتىن.

“The Qazaq Times”